Friday, April 24, 2009

تأملات



غالبا ما أكون مشغولة عند تواجدي بالبيت بشئونه او بالمذاكرة و قلما تتاح لي لحظات استرخاء

اليوم اتيحت لي هذه الفرصة الرائعة في فترة ما بعد الظهيرة ـ جلست في شرفة البيت مستمتعة بفنجان 

من القهوة و ذهبت بعيدا في تأملاتي _ فيما حولي و في نفسي
 

حمل لي الهواء اصوات بعض النسوة يحيين بعضهن البعض بمودة و حب و متسائلات عن حال احداهن
بقليل من التركيز معهن عرفت انها زوجة حارس العقار المقابل لنا و قررت النساء زيارتها للاطمئنان عليها 
اعجبت بحديثهن البسيط و عفويتهن و قلت لعل هذه الطبقة البسيطة مازال في قلبها بعض الود و الحب  تفتقر لها الطبقه الاعلي المتعجرفة الرافضة حتي لالقاء تحية الصباح .... ليتني كنت زوجة الحارس لعلي انعم ببعض الدفء بدلا من البرود القاتل


تأملت في نفسي ووجدت بعض السعادة بفقداني بعض الكيلوجرامات الزائدة بسبب بعض الادويه التي اتناولها و اصراري علي الاقلال من طعامي قدر المستطاع


زاد عدد السيارات المتكدسه في الشارع رغم الازمة الاقتصادية ___ كيف لا أعلم


القلب زاد عدد نبضاته معتقدا انه بشري و كان عقابه الم شديد في ليل طويل و حرمانه للابد من أي ترفيه ___ فلا احد يستحق


حالة غريبة من الصمت اسميها بلاهه و استسلام و ليس رضا و قناعه بما وصلت اليه في العمل
 

اصاب الهاتف مرض الخرس الدائم للابد فيما يبدو


انتهي فنجان القهوة  

 


    

15 comments:

soly88 said...

تحياتى
مبروك فقدان بعض الوزن لو كان زائدا
التأملات مطلوبه حتى لو كانت فى الا شيىء

قلب امراه said...

صديقتي الغاليه انوس
حلوه كتير تأملاتك وجلوسك بهدوء على شرفة منزلك تتناولين فننجان القهوه الم تتخيلي ان اكون اتناول معك فنجان القهوه وانم على جيرانك وامراة البواب على فكره لو كنت معك في تلك اللحظات لاختلف المشهد تماما
فقدانك الوزن بسبب تناول الادويه لم يفرحني لانه جاء بعد معاناة
الحاله التي تعيشينها في عملك اريح من حالة الشد والقهر السابقه ارى ان الاختلاف هنا مفيد لنفسيتك اكتر
الازمه الاقتصاديه عزيزتي لم تؤثر سوى على الفقراء والمطحونين وزادت بؤسهم اما الاغنياء فلم سيتاثرون لذا من يملك المال سيملك السيارات والمزيد منها لحظات التامل جميله جدا وتسعد النفس ان كانت بهدوء مع القهوه وصوت فيروز وبوجود صديق يشاهد ويستمتع بالتاملات
انتظريني لاتابع المشهد معك من شرفتك وستكتبين بوست اعتقد انه سيكون مختلف جدا ههههههه
اوعي تهربي بس
دمتي بكل الحب والسعاده

Anonymous said...

تعرفي لو تفكري ثواني هتلاقي حل لوحدتك وهيتغير الكون بالنسبالك يمكن ترفضي الحل ده بس صدقيني هو بس الا هيغير حياتك
انثى رقيقه تمنحك ما يعجز كل رجال الارض عن منحك اياه
التجربه هي الا هتقولك لو كان معايا حق او لا
بجد جربي كل حاجه هتتغير زي السحر
ربنا يسعدك

سمراء said...

انتهي فنجان القهوة
ولكن لم تنتهي الحياة
يكفيك انه مازال لديك القدرة على الرؤية والتساؤل والتأمل والإحساس الذي نظرت الى الناس والى نفسي منذ فترة فوجدت اني فقدته فأسميته حالة أملا في ان ينتهي
وبالفعل انتهت الحالة

اشكرك
سمراء

Anonymous said...

ازيك يا قمر عامله ايه
عارفه انا لاول مره اعرف ان مدونتك جميله بالشكل ده انا بشوف اسمك وبيعجبني بحس فيه معنى عميق بيفكرني كل ما قريته بكلمه وحده "عابره"
كلنا عزيزتي سم ون ان لايف مش اكتر
المهم انا مسكت المدونه من اول سطر لاخر سطر وكل ما قريت كلمه تشدني للي بعدها
عجبتني صراحتك لو كنت كده بالواقع فعلا يبقى انت انسانه جميله جدا
مستغربتش الحته السودا بحياتك اصل الوحده فعلا بتخلي حياتنا بارده جدا وملهاش معنى ولا طعم
يمكن انتي فهمتي من كلامي وكأنه دعوه للمثليه بس ابدا مكنش ده هدفي ولا ادعو حد اصلا للمثليه انا بعتلك دعوه للحياه للحب لحاجات كتير ناقصاكي وانثى دافئه وملأى بالحب هي فقط من ستملأ كل ثغرات حياتك
مش عايزه احيرك انا زيك بالزبط سم ون ان لايف عندي همومي وحيرتي ومشاكل الحياه الا مش بتخلص بس متفائله بصي بضحك اهو :)
مش بقصد حاجه شخصيه من التعليق هو حاجه من قلبي بقولها وانا مقتنعه ان فيها الخلاص من كل همومك بس المهم تحسني الاختيار وهتعرفي ساعتها انا بقصد ايه وان كان معايا حق

مدونتك تجنن واسلوبك يجنن وصدقك ساحر
تقبليني صديقه حقيقيه

someoneinlife said...

soly 88

يا عزيزي لا يوجد شئ اسمه اللاشئ
حتي ذرات التراب تملأ فراغا

تحياتي

someoneinlife said...

Reema

ايوة شويه هدوء فعلا انا محتاجه ليهم قوي
تعالي اقعدي معايا بس بلاش نميمه هههه
ماشي نسمع فيروز و ماجدة الرومي ايه رايك

يالا القهوة علي النار

تحياتي

someoneinlife said...

Anonymous

هل يمكن ان نصادق المجهول ؟
كيف انت صديقه حقيقيه و مجهوله ؟ احيانا بل كثيرا ما نتعب من العالم الافتراضي
بصراحه ظننتها كذلك بانها دعوة مفتوحه و مع احترامي لجميع اتجاهات و ميول البشر الا ربما انها لا توافقني
المرأة شئ رائع و جميل لان الله خلقه جميل لكن التكامل بين رجل و امرأة ايضا له مذاق خاص
جميل تفاؤلك ربما افتقد ايه و شكرا لصداقتك الافتراضيه لانك مازلت مجهوله

تحياتي

someoneinlife said...

سمراء
اهلا بك طبعا التأمل شئ رائع و ان كانت الضوضاء تمنع تواصلها احببت التأمل جدا في الصحراء و في الجبال هناك صفاء الذهن التام

احيانا البشر بافعالهم يجبرونك علي عدم الرغبه في فعل اي شئ

تحياتي

momken said...

ايه فنجان القهوة ده نقطه واحده

ابقى اعمليها ضبل وطولى البوست شويه

جميل فقدان التوان لبعض الوقت

وجميل الاسترخاء
والبوست جميل


تحياتى

someoneinlife said...

ممكن

شكرا لمرورك منذ زمن لم تمر من هنا

حاضر هاعمل اكبر ماج قهوة

تحياتي

Bant EL7ag Dracula said...

بوسسسسست جميل جدا وانا بقرا

عشت فى الجو الا انتى بتقولى عليه بجد بوسسست جميل جدا

اول زياره ويارب مكتنش رخمه

someoneinlife said...

بنت الحاج دراكولا

اهلا بيكي في المدونه بس ايه بيت الرعب اللي دخلته عندك؟
بترسمي حلو يعني عندك خيال ليه قلبتي دموي كدة

تحياتي

KHALED said...

بصى بقة ... !!!!؟

معنى إنى أعيش نفس الحالة إللى كنتى عايشاها و حكيتى عنها فى إللى أنا قريتة دة معناة إنك نجحتى جدا فى المكتوب دة

علشان كدة أنا باسجلك واحد نقطة مضافة لحسابك

someoneinlife said...

خالد

بص بقه ؟!!! هههه علشان تبقي عارف

شكرا لمديحك و سعيده اني قدرت اوصل حاله لكم
مشاركتكم لي تسعدني جدا

لكن حضرتك كنت مختفي فين ؟

تحياتي