Thursday, May 14, 2009

غزل





احيانا باكون ماشية في حالي و يشدني شئ يخليني اتعلق بيه
فيه حاجات ممكن احصل عليها او املكها لكن فيه حاجات اكيد صعب امتلاكها
ممكن ااقع في حب فستان شنطة حذاء و لو مش اشتريته بيكون معلق في دماغي قوي
بطبعي مش عندي حب امتلاك لكن معظم اشيائي اشتريها بحب من اول نظرة
حتي بيتي لما اشتريته حسيت بحب ليه مع ان طبعا فيه عيوب خارجيه مثل الضوضاء احيانا
لكن ده بسبب تأثير الاخرين و حبي للبيت بيخليني اهتم بيه قوي
شغل التجميل عمره ما كان في دماغي و لا بالي بس وقعت في حب الفرشاة و الالوان و رؤيه بسمة علي وجه امرأه
احيانا بتمر باشخاص عاديين و ممكن ااقل من العاديين و احسن اني عاوزة اضحك لهم او اكلمهم ساعات بأقدر لما بيكون مودي كويس و ساعات بأخجل
احلي ناس شفتهم بجد و فرحوا قوي لما قربت منهم ناس في مكان مش ممكن كان يخطر علي بالي - خلف جامع الحسين في الجماليه هناك الناس بسطاء قوي و خاصة العجائز و ابتسامتهم حلوة حتي الاطفال رغم فقرهم بس الضحكة ايه من القلب
انا باعترف طبعا ان اللي عرفني علي المكان دة واحد اجنبي و استغرب اني عمري ما زرت مكان زي دة لان عادة بنكون علي القهاوي اللي جنب الحسين بس
اكثر شئ بتشدني قوي و تخليني اغازله بجد طفل صغير بيضحك و بيشاور ليا بايديه ساعتها ممكن اديله عمري بس يضحك علي طول و يمكن دي من اكثر الحاجات اللي باحبها في ابني انه بيصحي من النوم مبتسم
حاجات و حاجات بيت قديم ... عيون جميله.. ضحكة بريئة .. البحر .. السما بالليل بين الجبال نوع جميل من الغزل

13 comments:

karim said...

كلامك جميل قوى ودليل على انسانيتك الجميلة وكمان انك انسانة طبيعية وحنونة ومصرية 100% تحياتى

Unknown said...

وحده

البوست ناعم جدا جدا جدا!!!

حسيته وحسيتك انتي انسانه لطيفه وحساسه من جوا كتير

انبسطت عشان انتي مبسوطه :)

FOrty said...

كلام جميل قوى يتشرب معاه هوت شوكلت مش قهوه , انا عارف الاماكن دى كنا بنزورها ايام الجامعه و نصور المبانى الاسلاميه هناك بيت السحيمى و المسافر خانه ايههههههههههههه انا كنت نسيت
تحياتى

الرسام الواقعي said...

ياااااه
المقال ده لمسني جدا؛لدرجة أني عاوز أتكلم كتير و في نفس الوقت عاجز عن إيجاد كلمة تعبر عن شعوري.
لسه في ناس تعرف معني الحب الحقيقي بدون اي رغبة امتلاك..ناس تقدر تحس الحب في ابتسامه صافيه من ناس بسيطه.
رغم أني مش بحب القاهرة..لكن الاماكن دي عندي لها سحرها الخاص؛ما اعتقدش انه ممكن يتعوض باي مكان في العالم..ده اعتقادي.
بالنسبة للاطفال و ابتسامة الاطفال مش عارف اقول ايه غير انها نعمة فعلا و سعادة ما في بعدها سعادة.
اعتقد ايضا من الناس اللي ممكن حضرتك تحسي معاهم بسعادة و طيبة حقيقية.اهل النوبة و اسوان(انا بعشقهم).
شكرا فعلا.
توضيح.
بالنسبة لتعليقي علي بوست رجل وحيد.
حسيت ان حضرتك افتكرتي اني بتريق..العكس تماما.
المقال فعلا لمسني جدا ..الفرق ممكن يكون اني مش بشرب سجائر.
اتمني تكوني فهمتيني.
شكرا مرة تانية.

someone in life said...

كريم

اهلا بيك و شكرا علي اطرائك
اكيد المصريين كلهم طيبه و يا رب يفضلوا كده علي طول

تحياتي

someone in life said...

مياسي

شكرا ليك يا ميسو انت اللي لطيفه و حبوبه

تحياتي

someone in life said...

اوفر فورتي

طيب واحد هوت شوكليت وواحد اسبريسو من فضلك
فيه حد ينسي مصر و حاراتها القديمه و الغوريه و الحسين و رائحه البخور و العطارة في الموسكي باب النصر و السيدة زينب
و لا حتي شوارع مصر الجديدة و الكوربه مهما تروح و تيجي و مهما الزمن جاء علينا تفضل بلدنا في روحنا

تحياتي

someone in life said...

الرسام الواقعي

اولا شكرا لمجيئك مرة تانيه
ثانيا بالنسبه للبوست السابق انا كنت باضحك معاك لسه صغير علي شد الشعر

انا عبد من عبيد الله لا املك شئ و الحب ده هبه من عند الله لو حبيت حد حبه لنفسه مش علشان تستعبدة

عارفه اهل النوبه طيببين قوي بس انا عارفه ان البسطاء قوي طيبين فيه ناس طبعا تخاف منهم بس تأكد ان ده من اثر الزمن عليهم من فقر و جوع بس الاصل طيب

الطفل لما بيضحك بيكون ببراءة و لما بيزعل برضه ببراءه مش خبيث
بجد لو حبيت من القلب اكيد هتلاقي حب متبادل

تحياتي

KHALED said...

آها .. حلو البوست دة مليان شمع منور ولمض من أم ميت وات
ههههههه
أنا بقى حاجتين بيخلونى أقع فى غرامهم بمجرد ماشوفهم فورا حاجة مش حاقولك عليها و التانية عربية رياضية جميلة و غالية طبعا بعد كدة ماعتقدش ممكن حاجة تلفت إنتباهى بشكل غير عادى

someone in life said...

خالد

انا جبت الكهربائي حسب النصيحه
ليه الحيرة دي و زاد فضولي ههههه في الحاجه التانيه و ان كان ممكن ااقول انها المرمز لها بالجيتار الجميل ... صح؟
عربيه رياضيه غاليه مممم انت بتحب تختار قوي
so selective
واضح ان مش اي حاجه ترضيك

تحياتي

KHALED said...

ههههههههههههههههههه


هوا لية كل أصحابى بيفهمونى بسرعة
عموما دى حاجة حلوة

يامكارة

Anonymous said...
This comment has been removed by a blog administrator.
someone in life said...

خالد

شفت بقي علي طول فاهمينك

تحياتي