Friday, February 6, 2009

لما ابقي مدير






لما ابقي مدير و عد مني الأتي

كل موظف تحت ايدي هاقوله وعود و بس و ساعه التنفيذ هاقول اسفه

تقييم الاداء الوظيفي هايبقي اي كلام و اللي بيظهر الود بس هو اللي يعدي

في زيادة المرتبات و حياة عنيكم اللي علي مزاجي بس

بلا اسلوب ادارة بلا بطيخ 

بلا تقييم اداء بلا كوسه 

مين يظهر ولاءه علي عيني و الا ..... ما فيش احلي من اسفه ما قدرتش

الموظف المطيع الهادي هاطلع روحه و اخليه يشتغل بروحين و ببلاش 

و اللي مش عاجبة يروح في ستين ...... تيييييييييييت

دي احدث اساليب الادارة الان

كل اللي درسته من علوم الادارة طلع ملوخيه و النبي 

ادعولي بقي ابقي مدير  


22 comments:

reem said...

انوس
اديني بعلق اول واحده لاني مقدرش على زعلك ومقدرتش اطنش ... واعمل نفسي مشفتش الي كتبتيه .
بس ايه الكلام الكبير ده انتي بتقصدي مين بالكلام ده وكانك بتقولي لسان حالي ليه ؟؟ لاني موعوده بمدير وكلها ايام واخده بس ايه انا صحيح قلتلهم كلام كبير بس عكس كلامك لدرجه بيقولولي يا رب ما تاخديه المدير ( من اوله خافوا ) اول حاجه قلت
مش حاقبل التسيب الكل بمكتبه وممنوع تناول الوجبات وبابي حيتقفل ما حد يدخلي ويطلع الا باذن وطلب مسبق وحشوفلي سكرتير ركزي مش سكرتيره على
الباب يرتب المواعيد
والتقيمت والاذونات دول حيمشوا على القانون واي قانون قانوني ان لا ما يرحم حد ابدا
دول ناس ما يجوش الا بالعين الحمره
شفتي وتصدقي ان قلت الكلام ده
بقى ادعيلي اخد هالمدير قبل ما تتغير سياستي وتصعب وافنش الكل
ده المدير الناجح برايي بهالبلد
والا ايه
تيجي تشتغلي معايا وحابقى انزل سقف التعليمات علشانك
دمتي بحب وخليني اشوفك
باي

Miso soup said...
This comment has been removed by the author.
الرابطة وبناء الأمة said...

السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية

Miso soup said...

مدام ....... تسمحيلي اقدم استقالتي؟

soly88 said...

مش هتقدرى تعملى كده لأن الطبع بيغلب التطبع

someone in life said...

ريما

انا مش باقصد اي احد يا عزيزتي
مبروك الترقيه مقدما

هاشهد عليكي الناس بذمتكم ينفع اروح اشتغل في نابلس و اترك القاهرة العامرة يعني اهرب من مبارك الاقي الاحتلال؟
و بعدين لو انت المديرة مش ضامنه لانك مزاجيه ههههه

تحياتي

someone in life said...

Miso Soup

تقدمها ليه خليك هو انا هابقي مديرة انا باسخر من حالي و من اللي انا شايفاه من كلام و بس وعود و بس و ساعة الجد كلمه اسف تنحط في اول صيغه الكلام و بعدين اللي بعدها مش قدرت اعمل ليكي حاجه
يا عزيزي انا لست بحاجه للمزيد من الدراسات فقط اريد ان اتعلم ابقي حالانجيه و باتنطط زي القرد في مكتب المدير يمكن يرضي عني و اخد حقي زي باقي الناس

تحياتي

someone in life said...

soly88

انت صدقت اني هابقي مديرة

لا يا عزيزي انا حظي فل في الشغل تقدر تقول حمارة شغل و اقل مقابل
و زي ما قلت في تعليق سابق بما اني مش باتنطط و لا باعمل بروباجندا لو كتبت حرف في ورقه يبقي مش هاخد حاجه بس في الورق باخد ايه بلس و ايه و بي
يعني موظفه كويسه بس نقول ايييييييه

Miso soup said...

اما الزبد فيزهب جفاء ... اما ما ينفع الناس فمكث في الارض حتي لو مشفتيش او محستيش بكده

OverFOrty said...

يا خبر ابيض واضح انك مليانه على الاخر من طقم المديرين اللى شفتيهم فى شغلك بس اقول لك الحق الاداره و الكلام بتاع الموارد البشريه و الجوده الشامله و الايزو ده كله كلام للندوات و الديكور فقط لا غير و الاخر كله بيشغلها باهل الثقه و اللى شايف نفسه او فى قلق من نحيته لازم يتقصقص بدرى بدرى
عملا بالمثل ان لا اكذب و لكنى اتجمل

someone in life said...

miso soup

يافندم حضرتك شغللك بيقاس باللي انت بتحققه من تعليم الناس يعني لما تعجز و سنانك تقع ممكن واحد ييجي يسلم عليك لان انت كنت استاذة او ابحاث او مؤتمرات ده بق الزبد اللي بتقول عليه

اما شغلنا احنا بيقاس بالمبلغ اللي بيتحول علي البنك اخر الشهر و بتمديد العقد السنوي و تايتل بيتحط علشان لما تكتب السي في يكون محترم علسان تعرف تدور علي شل تاني .. ما فيش بقي لازبدة و لا جبنه في الموضوع

someone in life said...

over forty

انت صح العلوم ي سبوبه لقمه عيش لا تطبق حتي في المنظمات الكبري فقط تعبئه ورق و بعدين الحالانجي اللي زي فرقع لوز و قطة المدير دول بس اللي حلوييييييييين

شكلك كدة مدير

تحياتي

blackcairorose said...

ومن غير ما ندعي ولا حاجة

اللي انتي قولتيها دي غالبا مقومات الشخص اللي عنده الصفات اللي تؤهله تلقائيا أنه أو انها تبقى مدير

حاول تفتكرنى said...

لا تعتقدي أن أسلوب إدارتك للمنشأة بعيدة كثيرا عن الواقع ، ربما هذا هو الأسلوب المتبع فى معظم - القطاع الخاص -على اعتبار احياء النظريات الاشتراكية والاختلاف الايديولوجي بين البرجوازيين والبروتاريا

يارب تبقى برجوازية

تحياتي

someone in life said...

بلاك كايرو روز

دي مش شخصيتي لكن شخصيه الادارة هنا
فوق كل دة انا مش مديرة و لا هاكون

تحياتي

someone in life said...

حاول تفتكرني

انا مش مديرة و لا هاكون

القطاع الخاص و المنظمات علي نفس الحال خسارة الوقت و المجهود في دراسه فارغه

تحياتي

راجى said...

يارب ما تبقى مديرة
:)))

OverFOrty said...

شكلى كده مدير ماشى بس معنديش قطه انا ازاى مفكرتش فى الموضوع ده هههههههههههه

someone in life said...

راجي

هههه ليه كدة بس
اظنك عارفني طيبة

تحياتي

someone in life said...

Over forty
اسمح لي انت مدير متأخر جدا
لازم يكون لك قطة و بطة
لزوم الترويح و الترفيه في الشغل
و هي هتاخد مكافأت و كل منافع الوظيفه

يلا علشان تبقي مدير حلو
تحياتي

البرنامج الأذاعى said...

دعوه
الأخت العزيزه
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

طبيب فقد الامل said...

عزيزتى اليائسة
قال رسول الله صلى الله عليه وسلم "اذا ضيعت الامانة فانتظروا القيامة. فقالت الصحابة يارسول االله وكيف تضيع الامانة قال أن تولى الامور لغير اهلها" هذا هو حالنا الان فربما يا عزيزتى اليائسة لا تنطبق عليكى مؤهلات المدير المثالى
1- النفاق. 2- الكذب. 3- السرقة. واحمدى ربنا على كده.
لكن لتسمحى لى فلا يزال هناك من يتق الله فى بعض الادارات وهؤلاء هم من نرفع القبعات من اجلهم.
اه بالمناسبة مبروك هربتى من كونك الحزينة الى كونك اليائسة
واشكرك على مرورك الكريم على مدونتى اللى بفكر اقفلها واقلبها كشك سجاير
وائياس انا كمان