Friday, January 16, 2009

راجل ملزق !!!!

راجل ملزق ... اول مرة اسمع هذه الكلمة من احدي الصديقات عندما زارتني في العمل بناء علي طلبي لتعد لنا بعض التصميمات لمطبوعات خاصة بمؤتمر تعقده المنظمة التي كنت اعمل بها سابقا
فما كان الا انطباعها الا ان السيد رئيس مجلس الادارة رجل ملزق .. طبعا انا ظننت ربما لانه جادل معها كثيرا في بعض الامور رغم معرفتي بصديقتي انها لا يهمها الامور المادية كثيرا و انما جودة العمل
و عندما سألتها لاحقا ماذا تقصدين بملزق اجابت انه يرمي بابتسامات لا معني لها و لا يترك الايدي بسرعه بعد السلام بل هو لحوح و يبدو كالعجوز المتصابي .. الحق الصديقة لم تكذب فهو فعلا متصابي و يحب ان يلتصق بمن يتحدث اليه بطريقة غريبه انا فسرتها في البدايه ربما لضعف السمع او لاننا في سن اولاده لكنه فعلا راجل ملزق و يولي اهتماما بفتاة في العمل لا يتعدي عمرها الرابعه و العشرين مع انه تعدي الستين باعوام كثيرة و رفعها في العمل بسرعه بل اقنع القائمين علي المنظمه في انجلترا بأن تسافر اي هناك و تحضر مناقشات و اجتماعات لم تتاح لمن هم اكبر سنا و خبرة .. و طبعا الجميع يعرف السبب لاسباب واضحة
طبعا الحاسه الرداريه بعد هذا الموقف نشطت مرة اخري و بدأت الاحظ بعض الملزقين منهم احد الاشخاص المرموقين الذين عرفتهم في الحياة و هذا الرجل و ان يبدو هادئا متزنا في تصرفاته و افكاره الا انه اخيرا اكتشفت انه ملزق
بمعني انه تعدي الخمسين بمراحل و مع ذلك يميل للفتيات المتصابيات او العانسات اللاتي يتغندرن في الكلام و كنت اقول لفتره لعله يعاملهن كابنائه الا في احد المواقف اكتشفت ان الرجل يهوي ذلك بمعني ادق تعب من الاحترام و يريد من تعبث به او ترمي عليه بعض الكلام الغير اللائق فيضحك ملء شدقيه بنشوة و كأنه كان يتمني هذا منذ زمن بدعوي التغيير
احد السادة الاخرين المحترمين شكلا و موضوعا و لكنه يفقد كل هذا امام غنج و دلال سيدة في بدايه الثلاثينات
ناهيك عن بعض الرجال الذين في سن الكهوله يمشون في الشوارع او في الاماكن العامه مع فتيات صغيرات ينظر اليهن بنوع من الهبل و فمه مفتوح مترين
تري اين ذهب عقل هؤلاء الرجال و لما يفعلون هذا ؟ أهي مراهقة متأخرة ؟ أم ان الاحترام غير مطلوب ؟ ام انه قناع اخر يعيش به البعض و يخلعه في الخفاء عن ممن يعرفونه
تذكرت احد الافلام العربيه للراحل حسن عابدين و هو يقف بجوار سرير تجلس عليه يسرا و كانت بائعه هوي و يربط حزام فوق وسطه و في يديه صاجات و يرد صارخا عليها عندما تقول عيب يا باشا فيرد ماتقوليش يا باشا انا عاوز واحده تهزئنئ تهزئني

26 comments:

روابط said...

أول تعليق تانى, المفروض أخد جايزة
الملزقين كثير جدا يا عزيزتى, وهم موجودون فى كل مكان ومنهم سيدات كذلك وان كنت لم تقابلى منهن بعد فقد فاتك الكثير
هى بالفعل أشبه ما تكون بمراهقة متأخرة واحيانا نفس هذه الأعراض تصاحب المرء عمره كله
حفظك الله وحفظنا من الملزقين

Unknown said...

الملزق يعني بتاع ستات أو نسونجي؟
هيك أنا فهمت

أكتر زلم زي هيك بيكونو دكاترة الجامعات أو دكاترة المكاتب زي ما بيسموهم

يعني البنت ما بتنجح إلا إذا راحت عالمكتب وسلامة فهمك

بس انو في ستات ملزق؟ والله حلوه كيف هادول بيكونو؟

والله يا ستي شكلو بطل في قيمه لأي شي؛ والغلط هو اللي ماشي

ما هو طريق الصح بتعرفي كيف؛ طويل وبيغلب

أنا شخصيا بختصر وما بسلمش بالايد على أي رجل مش محرم علي مهما كان قريب هيك أريح جدا

Anonymous said...

ezayek:
ana 3arfa el film dah bas mesh fakra esmo bas howa esmo 7aga el hawa
el mohem ya benty el regala 2a3'labha keda mesh ba2a feh 7ad mo7taram 7'alas kolo 3ando nazawat
o rada2 3ala meso 2a3taqed feh setat kaman malza2 7asalet ma3aya gamed awy wana f new york lama ro7t el gay bar
bas keda

blackcairorose said...

اعجاب الرجل الكبير فى السن بشكل عام بالفتيات الاصغر سنا ليس لدي اعتراض عليه فانا شخصيا فى المقابل اشعر بانجذاب لمن أهم أكبر مني سنا، ولكن الرجال الذين يلجأون لاستغلال نفوذهم أو مكانتهم لهذا التقرب بمن هن أصغر سنا هو الخطأ، ومن يستخدم أسلوبا قبيحا عديم الذوق فى هذا التقرب أيضا شخصيات مريضة بشكل ما ولكن ما أكثرهم وللأسف في مجتماعاتنا وأتفق مع رأيك بشأنه يا عزيزتي

والف تحية كالعادة

قلب امراه said...

عزيزتي
هما الرجاله كده غالبا ما بيصدقوا يشوفوا ست يلزقه طبعا مش قاعده بس بشكل عام وخاصة اذا كانت صغيره وجميله وزي ما اتفقنا ان تفكير الاغلبيه بينحصر بحته واحده احنا عارفينها بلاش اقول ههههه
بالنسبه ليا انا بكل صراحه في رجاله كتير مروا بحياتي من هالنوعيه ( الملزق ) وما زلت اعاني من وجودهم
رغم كل محاولاتي الفظه الا انهم مش بيفهموا او مش بيحاولوا يفهموا
تصدقي بشفق عليهم لاني بحس قديش هما تافهين وحسن حل بلاقيه هو الابتعاد قدر الامكان او المحافظه على مسافه بينا
رائعه افكارك عزيزتي

soly88 said...

بدأت بالرجل الملزق الغتيت اللى فاكر نفسه دون جوان عصره
وانتهيت الى نوعيه اخرى وهم اللذين تجاوزوا العمر الافتراضى
ثم قفزت الى نوعيه ثالثه يمثلها دور حسن عابدين فى الفيلم وهى
شخصية السيكوباتى المنحرف
وفى النهايه جميعنا ملزقين بطريقه او بأخرى

سمراء said...

الكبت الذي يفرض عليهم بارادتهم ابو بدون ارادتهم هو ما يدعوهم لتسديد احتياجاتهم بتلك الطرق الغير لائقة وفي هذا السن
الذين يشعرون فيه الرغبة في الاحساس بالحياة

واقصد بدون ارادتهم مثل العادات والتقاليد التي تحكمنا
وارادتهم هو الغلاف الذي يغلفون به انفسهم تحت اسم البحث عن العلم او الاحترام او غيرها من المبررات

الحرية هي الحل التي ستمنع هذا السلوك المشين

سمراء

Unknown said...

هههههههههه
حلوة راجل ملزق دي ابقي اغسلي ايدك قبل ما تسلمي هههههههه
عجبني العنوان قوي يارب بس مكونش من الملزقين وأنا مش عارف هههههه
ربنا يكرمك مودتي
أنتظرك

حاول تفتكرنى said...

بداية

لاحظنا تغيرا فى اساليب عرضك للموضوعات فى مدونتك مما اعطي لها أحساسا مختلفا ، فنتمني لك رقيا وتميزا دائما

أما عن موضوعك فبحق رسم عدد من الابتسامات العريضة على وجهي ، لمحتواه ، والكلمات التي عبرت عن هذا المحتوي والتي تم اختيارها بطريقة الفانتازيا وشر البلية ما يضحك

ربما يفعل البعض هذه التصرفات ليثبت لنفسه قبل الاخرين أنه مازال فى مقتبل العمر

وتذكرت رئيسى فى العمل ، وكان استاذى فى الكلية ، وعالما فى مجاله وهو يخرج فرشاه من حقيبة يده ليمشط شعر راسه المنحول ، واضحك رغما عنى وانا اتصور بقايا صبغة الشعر فى الفرشاة ، ويسألنى لما الضحك فلا استطيع مواجهته لأقول له مبسوط باهتمامك بنفسك يا دكتور


ربنا يستر علينا بعد كام سنة

تحياتي

طبيب فقد الامل said...

عذرا سيدتى الحزينة
كان لابد أن أغتسل جيداااا قبل أن اعلق على هذا البوست لاتاكد انى مش ملزق لانى واحد من دكاترة المكاتب كما علقت مياس
أما عما بداخل البوست فأقول لكى ياسيدتى أن لكل منا عدة وجوة كما ذكرتى فلم نعد نعرف اين الوجة الحقيقى
وبالنسبة للسؤال الذى سألتينى اياة يوما ولم أجبك بعد علية
وهو لما ادعوكى بسيدتى الحزينة؟ فذالك هو ما قرأتة بين حروف كلماتك وبالمناسبة التنر والاسيتون بيشيلوا اى نوع من انواع اللزق
تحياتى

أميرة الجنة said...

السلام عليكم
احب اقولك ان فى زمانا ده بقو كتيرررررررررررررررررررررررررررررر قوى ربنا يرحمنا وانا مع مياسى ان احنا منسلمش اصلا على الرجالةغير المحرم
تقبلى تحياتى

جسر الى الحياة said...

والله يا انوس الحياة مليانة ملزقين

ويا ريت شايفين نفسهم كده

يالا ربنا يعينا على الاصناف دى من

البشر

مودتى

someone in life said...

حازم سويلم

عاوزة جايزه ايه هههه شيكولاته و لا بونبون؟
طبعا فيه ستات ملزقه بس طبعا انا الرادار عندي رجالي
بس جديدة ان الواحد يبقي طول عمرة ملزق هههه

تحياتي

someone in life said...

مياسي

بالنسبه للستات الملزقين اسالي حازم سويلم هههه
اما دكاترة الجامعه مش كلهم كدة طبعا و ده علي فكرة بتلاقيهم في اماكن كتير و تعرفيه من نظرة عينيه و ابتسامته اللزجه

علي ايامي ما كان الدكتور ملزق بس احيانا سكران

تحياتي

someone in life said...

sola

اهلا بيكي طبعا انت شايفه تلزيق امريكاني هههه

تحياتي

someone in life said...

بلاك كايرو روز

العاقله جدا
افتقادك لاعجاب الاكبر يا تري فيه افتقاد للوالد
فيه سن يا روز عصب عنك بتفقدي الاعجاب معه لانه تخطي الستين مثلا
عموما كل واحد ليه ذوقه

تحياتي

someone in life said...

ريما

ماشي يا روم حواليكي المعجبين كتير
بس ها تفضلي تبعدي عن مين و لا مين

تحياتي

someone in life said...

soly 88

معلش مش تزعل يعني انت عارف ان فيه نوعيات كدة اعمل ايه اسكت يعني بلاش اقول

تحياتي

someone in life said...

سمراء
فعلا كلهم يعيشون في غلاف من السوليفان في نوع من الاحترام الزائف
اقنعه فوق الوجوة و مراهقه في القلوب

تحياتي

someone in life said...

كاتب مصري

اهلا بيك و لمرورك بالمدونه
ابقي اغسل عقلك بعد ماتشوفهم علشان هايفضل يقول الدنيا حصل فيها ايه

ربنا ما يجعلك من الملزقين

تحياتي

someone in life said...

حاول تفتكرني
ههه شكرا للاطراء يا سيدي

من انا بجانب السمراء و بجانب حاول تفتكرني و اخرون في كتابتهم الجميله

اصلا ليس لدي اي موهبه للكتابه

اما عن الفنتازيا فهي كثيره ههه و الحمد لله اني رسمت علي وجهك ابتسامه
و مش كل راجل في بعد مقتبل العمر ملزق
فيه ناس محترمه للابد
للابد خالص
تحياتي

someone in life said...

طبيب فقد الامل
ها هي السيدة الحزينه تجيبك
لا داعي للاستحمام سيدي الطبيب فحتي لو كنت في الماضي من دكاترة المكتب الا انك ذكرت انك تغير وجهك
الجميع له اخطاؤة
مع اني اظنك غير ملزق

تحياتي

someone in life said...

اميرة الجنه

ههه انا مش باسلم علي حد يا عزيزتي بس باتعامل في محيط العمل

تحياتي

someone in life said...

جسر الي الحياة

الجميع يعاني يا عزيزتي

تحياتي

FOrty said...

ملزق ياساتر يارب يعنى زى السوليتب كده او الدواء بتاع الفران اللى بيتحط على كرتونه و يلزق فيه الفار و كان فيه ورق ملون نعلقه فى النجفه و يلزق فيه الدبان
كل دى افكار جت فى دماغى على زكر مصطلح الملزق بس عموما اللى تصرفاته ملزقه زى ما وصفتى يستاهل كل ده و على راى المثل كل شىء بالخناق الا الموده بالاتفاق يعنى لازم يكون البنى ادم حسيس و عنده دم مش صمغ
على فكره الازمه الماليه ملخبطه الدنيا فعذرا على التاخير فى التعليق

إيمان قنديل said...

كان حسن عابدين بيقول ليسرا قول لي ياحيوان


البوست جميل ويتناول ظاهرة عشق الرجال الكبار سنا لفتيات في عمر بناتهن أو حفيداتهن


هل تعرفين أن أحد الأطباء النفسيين قال لي ذات مره أنها مسأله صحية لأنها تنشط الهرمونات لدي هذا الرجل الكبير في السن



عموما أنا بأشعر بالقرف والأشمئزاز من تلك الصور المريضة في الحياة