Saturday, January 10, 2009

فيروزيات -4



     رغم عدم و جود روح معنوية عالية لذكر أي شي .. بسبب الحاله النفسيه لما يحدث في بيت الجيران الاعزاء من قذف و هدم
الا اني احسست برغبه في تغيير الجو العام بداخلي 
تكرت هذه الاغنيه - كيفك انت - لغائب منذ اعوام و اعوام  اذ ربما لانه كان من  الجيران

                كيفك انت




بتذكر اخر مرة شفتك فيها كان يوم وداعك و قبل ساعات قليله من تحليقك عاليا .. عاليا و بعيدا  و من يومها لم أراك الا خيال
او يهيأ لي اني  رأيتك ... كيفك انت

بتذكر اخر سهرة بينا منذ اكثر من سبعه عشر عاما مضت .. في ليله رأس السنه عندما انبأتي برحيلك الي بعيد 
اذكر نظره عينيك الحائرة و خوفك من المجهول 
اذكر دمعه تلالئت في عينيك خوفا من الوحدة رغم اصرارك و عنادك بأن ترحل

بتذكر لهفتي علي خطاب من بعيد و اشتياقي الصباحي لرؤيه ساعي البريد لعله  يأتي منك بشئ 
بتذكر تهنئتك  بالتخرج دون وجودك المعتاد
بتذكر كل لحظة مرت و باسأل كيفك انت

يا تري بخير يا تري عندك اولاد .. انا عارفه انك برة البلاد .. لان البلاد ما صارت بلاد 

ما كان في امي و ما كانت متضايقه منك لو كانت موجودة لاحاطتك بعطفها مثلما تفعل معي

لكنك كنت امي و ابي ..... كيفك أنت 

انت الاساس ... لانك انت البدايه ... انت الرحيق الحلو .. كيفك انت 

ما بنقدر نرجع تاني انا وياك .. الدهر اكل منا الكثير ... الله يخلي الولاد و دايما اسأل .. كيفك انت

16 comments:

مياسي said...

يلعن حرم الحنين بس:)

هاي الأغنية أول أغنيه سمعتها لفيروز لدرجة أني اشتريت شريط كامل مخصوص عشانها

reem said...

اهلا بعودتك للرومانسيه انوس والله كده بتكوني احلى وبيوصلني احساسك بتخيل ايام الحب الفائت والتجارب الاولى للحب احساس بيكون مختلف عن احساس الانسان الناضج .. هي تجارب حلوه لانها بتفضل ذكرى جميله
طبعا انا فيروز وكل ما تنطقه بحبه مع اني هالايام مش بسمعها
تصدقي اني مش فاكره لحظات الحب الاول الي بحياتي ويمكن ما حبيت زي كل البنات يمكن لان الحريه بتكون قيد والرقابه الذاتيه اشد عقاب ممكن يعاقب الواحد نفسه وده الي حصل معي .

blue-wave said...

الله عليكى
الله عليكى يا فيروز

blackcairorose said...

كل عام وانت افضل باذن الله

مريت سريعا على بوستاتك وكل واحد منهم مميز وعايز تعليق، هاخد وقتي شوية واكتب تعليقاتي، بس حبيت اعدي اسلم واشكر وابارك

والف الف تحية

طبيب فقد الامل said...

سيدتى الحزينه
المستسلمه لقدرك
ربما لست انا من يستطيع ان يعلق على اى كتابات الان ولكن تذكرت مع هذة الاغنية حب ضاع واختفى بين السنين واساله كيفك انت؟
اما الجار فلم يعد له سوى دموعنا ولن تجديه ودعواتنا فهل تصله؟

OverFOrty said...

اكيد معاكى حق الحاله النفسيه زى الزفت من الاحداث الحاليه بس بحاول اخرج من الموضع ده شويه علشان نعرف نكمل و نعيش يمكن نقدر نعمل حاجه قبل ما يجى الدور علينا
نفسى فى شوارع مصر الجديده الفاضيه بتاعت زمان و اتمشى فيها براحتى من غير زحمه عربيات و اشترى الجرايد بالليل بتاعت بكره من البياع اللى واقف على شريط المترو و ارجع البيت الاقى التليفزيون بيخلص منتصف الليل قبل الدش اللى جايب لنا اكتئاب و اقعد بقى اقراء الجرايدبتاعت بكره طازه قبل باقى الناس بلذه غريبه مع كبايه شاى

soly88 said...

كانوا بيقولوا النسيان نعمه
انت اضفت والتذكر ايضا طالما ان الواقع لا يلبى حاجتنا
ملحوظه صغننه
======
احد التعليقات فكرنى بالراجل اللى بيبيع الجرايد امام بالميرا ليلا

nana said...

لقد اثرت مشاعري بتللك الاغنية الجميلة
اشكرك على ذلك
بوستك رائع

someone in life said...

مياسي

احيانا الحنين يا عزيزتي بيكون بلسم
تحياتي

someone in life said...

REEMA

الحب الاول دائما له طعم مختلف خاصة لو كان صادق و متبادل
الحريه لا تمنع الحب لان الحب و الاختيار جزء من الحريه المهم تكوني قادرة علي تحمل المسئوليه
و الحب ليس فيه ما يخجل او يشين حتي نخاف ان نحاسب عليه

الحب نعمه من الله

تحياتي

someone in life said...

Blue Wave

الله علي فيروز دائما

تحياتي لعاشق الرومانسيه

someone in life said...

بلا كايرو روز

اهلا بك بعد غياب اشتقتلك
نورتي البيت
و الحمد لله انك بخير يا عزيزتي

تحياتي

someone in life said...

طبيب فقد الامل

هل تجد في هذا البوست اي حزن
الذكري ناقوس يدق من عالم النسيان و كما ذكرت الذكري احيانا بلسم و ابتسامه و سؤال ... كيفك انت

تحياتي

someone in life said...

over forty

واضح انك بتحب السهر
و جاري في مصر الجديدة كمان
اي شريط مترو كنت بتشتري من عنده الجرايد ؟
طبعا سكون مصر الجديدة ليلا اكثر من رائع و قعدة البلكونه بالليل و انت قافل النور و مستمتع بالهوا
شفت الذكريات قد ايه حلوة

تحياتي

someone in life said...

soly 88

انت كمان جاري في مصر الجديدة بالميرا دلوقتي بقت ستار باكس
احتلال امريكاني يعني
ياما اشتريت مجلات من الراجل اللي جنب بالميرا من اول ميكي لحد صباح الخير و روز اليوسف وحدي و انا صغيرة او مع زوجي و انا شابه المهم كان عارفني شكلا طبعا و اول ما شاف معايا جوزي ابتسم لي و مرة تانيه و انا ابني صغير بيبي كانه بيقول بابتسامته كبرتي

الذكريات ذو حدين يا عزيزي احيانا باقوم بالليل من عز النوم علي ذكري بس انا و حظي ياحلوة يا مرة

لكن لما بتقعد تفتكر كده مع نفسك و انت سايق و لا تحت المياه الساخنه بتتذكر انك عشت ايام حلوة و قابلت ناس اثروا فيك فعلا بتتمني يرجعوا او بتتمني تعرف اخبارهم لكن الاهم انك عشت معاهم و بقربهم دي متعه الذكري
صح ولا ايه؟

تحياتي

someone in life said...

nana

اهلا بيكي و شكرا علي الاطراء
التاثير علي المشاعر هدف البوست ان كل واحد يتذكر حد بيحبه بجد و يسال في خياله البعيد كيفك انت

تحياتي