Thursday, December 11, 2008

النظارة السحرية



محتاجة اليومين دول اشتري نظارة جديدة لكن بمواصفات خاصة جدا

نظارة اقدر اخترق بيها ماوراء الجلد و حدقات العين و عظم الجمجمة

القاء تحية باردة و ابتسامة صفراء علي الصبح ... فين النظارة لما اشوف اللي وراء الابتسامة من نفاق و حقد

اهتمام شديد من بعضهم ... فين النظارة لما اشوف الاهتمام دة ايه.. ود و لا عشرة و لا صداقه  و لا ايه

وعود و مناقشات و مدح و بعدين ما فيش ... فين النظارة لما اشوف أخرة ده ايه و ليه ابني احلام علي الوهم لا غير 

علاقات اجتماعية مش لاقيه ليها طعم .... فين النظارة لما اشوف المقصود منها ايه و ليه مش مؤثرة بالدرجة الكافية 

هو ليه كل حاجة مش ليها لا لون و لا طعم و لا هوية

الدنيا بقت عامله زي اغنيه سعاد حسني في فيلم شفيقه و متولي 
بانوا .. بانوا عل اصلكم بانوا ... باحب الاغنيه دي و تعبير سعاد حسني فيها قوي

فين النظاااااااااااااااااااااااااااااارة 
 


24 comments:

shalimar said...

its very deep post .. in funny comic way ...

i like it .. go on

my regards to u some 1 n life

soly88 said...

تخيلى لو النضاره دى معاكى
هتبقى مشكله
لانك هتقولى للناس ايوه كده بانوا على اصلكم بانوا
خلينا كده مصدقين احسن

اقصوصه said...

كا عام وانتم بخير :)

Unknown said...

طيب أنا عندي فكره أحسن

أنا حابه أقرأ أفكار الناس مش أسرع من موضوع النظاره هاد و لا شو رأيك؟؟

انسي بلا نظاره بلا وجع راس الحقيقة مزعجه يا عزيزتي

بس البوست جد بيضحك:) و كمان فين النظاره؟

Anonymous said...

SOMEONE IN LIFE
بتعرفي اكتشفت انا اني محتاجه النظاره دي رح تساعدني كتير في اكتشاف ما وراء الكلام الجميل من معاني وافكار سوداويه الحياه فعلا غريبه نحتاج الى عمر جديد لنفهم الناس الي حوالينا
بس يمكن لو مشينا ورا قلبنا واحساسنا يمكن ما نحتاج هالنظاره
ورح قول مع سعاد حسني كمان هالاغنيه انا بحبها ( بانو بانو على اصلكم بانو والساهي يبطل سهاينو ....
جربنا الحلم المتعايق ابو دم خفيف وبقانا معاه اخوه شقايق فاكرينو شريف اتريه مش كده على طول الخط الطبع الردي من جوه نطه ..........)
خلص بقى كملوها انتم

Anonymous said...

أنتي جميلة في كل الأحول

بالنظارة و بدون النظارة

someone in life said...

Shalimar

Thanks for passing by the blog and for your kind encourage too

Regards

someone in life said...

Soly88
لو معايا النظارة كنت عرفت حاجات كتير و تجنبت كثير من الحماقات

تحياتي

someone in life said...

أقصوصة

و انت بألف خير و صحة و سلام

تحياتي

someone in life said...

مياسي

هاتقرأي افكارهم ازاي ما هو انت لازم تبصي جواهم بالنظارة و لا ايه ؟

الحقيقه مرة بس هي الحقيقه

تحياتي

someone in life said...

ريما

الاول نفهم نفسنا و شخصياتنا و بعدين نفهم الناس
تحياتي

someone in life said...

صوت الحب

شكرا علي المجامله

تحياتي

سمراء said...

عادة نعيش كردود فعل أو مفعول به
علينا أن نكون الفعل
نضع الآخرين في اعتبارنا لنأنس بهم وليس لاي شئ آخر


سمراء

Dr. Eyad Harfoush said...

لو وجدت هذه النظارة لابد أننا سنرى الكون أقبح بكثير، فأنا سعيد انها ابدا لم توجد
تحياتي و تقديري

someone in life said...

سمراء
و الله ما عدت اانس بعالم البشر يا عزيزتي منذ فنة طويله اعيش في عالمي الخيالي و اصطدم بالعالم الواقعي من الثامنه صبحا حتي الخامسه بعد الضهر

تحياتي

someone in life said...

د. اياد حرفوش

و يمكن لو موجودة هاتشوف اللي جوا الناس و تتجنب الكثير من الالم

تحياتي

walaa tulip rose said...

يارت تجيبي لي معاكي نظارة زي دي
يمكن اعرف اللي ورا الوجوه المبتسمة ايه

بجد بوست معبر جداااااااااااا
وكلنا بنواجه نفس الغموض كل يوم كل لحظة
ونفسنا نعرف مين بيضحك علي مين
وليه اصلا واحنا كلنا بشر وكلنا زي بعض

بجد عجبني اوي كلامك ويارب نبطل نزيف الحقايق
تقبلي تحياتي

šσяšαяαα said...

هو الكلام محزن فعلا ومفيهوش حاجة تضحك
بس اسمحيلى اقولك انى افتكرت بموضوع النضارة دا مشهد ففيلم احمد حلمى (كدا رضا)
لما جاب نضارة شمس وقال للحلاق انها بتخللى الناس كلها عالمكشوف..بس كان يقصد بشكل مادى عن طريق الاتش اس رايز:)

بس احنا فعلا عاوزين نضارة بالاشعة فوق البنفسجية عشان تخترق الناس ونعرف كل واحد على مية بيضا

بس الحاجة اللى هتجننى
لما الناس كلها بتشكى من النفاق ومن الكلام اللى بيطير اول مابيخلص
امال فييييين الناس اللى بتنافق وبتدهن كلامها بزبدة
؟؟؟؟؟؟؟؟؟؟؟

لستو ادرى

ارجو مكونش صدعت حضرتك
خالص تحياتى

someone in life said...

ولاء الغباشي

اهلا بيكي في المدونه لأول مرة
للاسف يا عزيزتي التزييف و النفاق اصبحوا جزأ كبير من الواقع

شكل هافتح محل نظارات

تحياتي و اسعدني مرورك

someone in life said...

Sorsara

اهلا بيكي يا عزيزتي الجميع ينافقون بعضهم البعض و بيدهنوا زبدة و قشطة كمان
عالم الصدق بقي قليل قوي يعني يادوب تلاقي واحد و لا اتنين في الدنيا مالهومش مصلحة

رينا يرحمنا من الزبدة و توابعها

تحياتي

جسر الى الحياة said...

اولا باشكرك على سوء الظن لان ردك على اخر بوست بيفسر ده بشكل واضح

مش عارفة كنت فاكرة بس ان انا اللى ثقتى مهزوزة فى الناس لكن لقيتك زيى تمام بل تزيدين عنى بسوء الظن تقريبا انقطاعك فى السوءال له مبرر عندك وعلى العموم انا معنديش رد عليكى الا الرد اللى رديته على نفس البوست الاخير ليا وباشكرك مرة اخرى على سوء الظن للاسف الصداقات اللى بتيجى على كبر زى ما بيقولوا عمرها قصير
ولا يمكن لانى اخدة الحياة ببساطة والناس حواليا دائمى الارتياب وكل واحد وتجربته فى الحياة بتاثر على حكمه على الناس

someone in life said...

جسر الي الحياة

تجاربي في الحياة لا تحكم عليكي او لا علي غيرك بسوء لان ليس فيها ما يسئ الي انا شخصيا
فعلا انا مريضه من قبل العيد و تعلمين ان تليفوني لا يقبل رسائل اللغه العربية و بالكاد اذهب الي العمل
اذا كنت لا ترغبين في الصداقه لا استطيع اجبارك و لكن اكرر و اكرر انا لا اسئ الظن بأحد و ليس عيبا ان يكون لدينا اشخاص قريبين الينا و ليس في ذلك اي خطأ علي الاطلاق
دمت بخير

soly88 said...

من يريد تملك هذه النضاره مثل من يدخل امتحانا ومعه الاجابات النموذجيه أو كمن يدخل فيلما يعرف احداثه مسبقا
اننا لا نريد ان نعرف ما يخبأه القدر فتفتر عزيمتنا على الحياه

someone in life said...

soly 88

يبدو ان هذا البوست اعجبك جدا لانك علقت عليه مرتين
انا لا اريد معرفة القدر يا سيدي فقط ما يضمره البشر داخل النفوس ووراء الابتسامات و الكلمات الجوفاء التي بلا معني
بعض الناس لهم البصيرة و القدرة علي النفاذ داخل البشر يستطيعون قرأتهم جيدا
حني وقت قريب كنت اقرأ الناس من ملامح وجوههم و اصواتهم و من نظرات عينهم لكن فيما يبدو ان الخداع تطور و تحور بحيث اصبح من الصعب على المرء ان ينفذ بداخلهم
اهلا بعالم الخديعه ووجوه الملائكة
تحياتي