Tuesday, October 14, 2008

شبة الرجل

اكيد كلنا درسنا في مادة النحو حاجة اسمها في الاعراب خبر شبه جملة و هو عادة بيكون جار و مجرور او مضاف اليه يعني حاجة ناقصة مش كاملة شبه الخبر مختلف تماما عن الخبر المفرد اللي مالي مركزه من غير مساعدة او الخبر الجملة اللي بيكون جملة اسميه او فعليه ليها كل أركانها و بتعرب كأي جمله يعني حاجة كدة ليها مركزها زي ما بيقولوا كدة قيمه و سيما
زمااااااااااااااااان كنت بشوف الرجل كامل مش شبه رجل .. مش مضاف اليه و لا مجرور محتاج اداة جر علشان تديله قيمة و موقع من الاعراب
حاليا الرجل اصبح شبه جمله و شبه جمله ممسوخه مالها معني حتي في وسط الجمله
الرجل اصبح تابع بعد ما كان صاحب قرار .. انا لا ادعي لتسلط الرجل لان يمكن اللي حصله دة من كثر جبروته و لما تكبر زاد طغيانا
الرجل بيعمل اعمال كثيرة في الخفاء لانه مش قادر يصرح بمكنوناته بمعني انه لا يحب امرأته و لا يسعد معها فيلجأ للابواب الخلفيه بكل طرقها لانه خايف .. خايف يقول ان الشرع و الله حلل ليا جواز تاني لو انا مش مرتاح في الاولاني لكن لا اخترع موضه جديدة اسمها الجيرل فريند .. ليه .. ما هو المجتمع و الدين يبيح التعدد .. ظاهرة الجيرل فريند زادت قوي اللي مهما كان عقلنا مفتوح و متقبل لثقافات اخري الا انه في النهايه زنا
الجواز العرفي اللي بدون عقد و لا بيت زوجية و مجرد خطف ساعات يوميه او اسبوعية موضه برضه لان البيه بيخاف من المدام لتقلب عليه الدنيا و تجردة من اللي وراه و اللي قدامه
سي السيد ابو شنبات بيحب و يعشق بس ما بيصرح و يقعد يشكي انه اتعس انسان في العالم طيب خد خطوة في حياتك الرد لا اصل المدام و العيال
الشبه رجل بيخفي الزوجه الثانية و الجيرل فريند اختراعه العظيم و الحبيبه خلف الابواب الخلفية ,, هو عايش حياته في بيته و مراته عارفه او مش عارفه مش حكايه ما هي اللي مسيطرة عليه و بتتحكم فيه و يوم ما تعرف ينكر المعرفة او يقدم الاعتذار علي مذبح الزوجيه المهدم
الشبه جمله .. الشبه رجل في حبه و شغله و حياته شئ ناقص مالوش لازمه و الست اللي بترتبط براجل شبه جمله بضيع حياتها و حقوقها لانها في الاخر هي اللي عليها اللوم هايقولوا عليها كثير و مش هايرحموها و هاينسوا ان شبه الرجل هو اللي صور الدنيا جنة و هو مش معاه اي مفتاح من مفاتيح حياته اصلا لانه اسم مجرور و لانه مضاف اليه

15 comments:

Anonymous said...

مرحبا
انا مبسوطه لاني اول واحده بتعلق على البوست هاد ولاني بحب تتاكدي اني صديقه حقيقيه لالك ودايما رح كون هيك معك
بالنسبه لموضوعك هالكلام صحيح مئه بالمئه وهاد بسبب انانية الرجل من جهه ولجهل الست وحاجتها لرجل مهما كانت ظروفه من جهه اخرى
وفي الحالتين ستكون الضحيه هي الست سواء الاولى المخدوعه او التانيه الضحيه والتي ستترك مع اول مواجهه يواجهها الرجل
لا الوم الرجل لوحده فالمراه ايضا مسؤوله عما يحدث
وكما قلتي سيبقى هو الجار وهي المجرور
ولن نغير شيئا طالما النفوس تعيش بانانيه
احب ان اشكرك وافتخر بك كثيرا لشجاعتك واعتذارك عن البوست الاخير
اعرفك جيدا كم انتي مؤمنه برب العباد ومتاكده انك لم تقصدي شيئا لاسمح الله
ولانك كذلك سيقف الله معك دائما
ودمتي

blackcairorose said...

عزيزتى



انا بحس ان موضوع الجيرل فريند بالنسبة للمتزوجين اصبح فى انقراض ومش موجود كتير لأن البديل دلوقتى اصبح اسهل وشرعى وهو الزواج العرفى او الجواز ابو ورقة زى ما بيقولوا ، دا حتى فيه ناس بتقولك حتى الورقة مش مهم وانه مجرد السؤال والقبول كافيين مع مجرد معرفة الاصدقاء المقربين او شخص او شخصين يبقى بمثابة الاشهار المطلوب

امثلة كتيرة عن جوازات من النوع ده

واحيانا بتكون الست مش متضايقة من النوع ده من الجواز لأنه بيناسب ظروفها، واحدة مثلا مشغولة وعندها شغلها وولادها كبار ساعات بتشوف ان الجواز اياه ده انسب لها ولظروفها ومعندهاش اساسا وقت او نية لجواز كامل بالتزامات ومسئوليات كاملة

الحقيقة الظاهرة دى غريبة قوى وكتيره فى نفس الوقت، وناس برضه كتير بتدعى انها شرعية، ودا كله ضمن الفتاوى اللى بنسمع عنها عن كل يوم

واحد نعرفه ـ انا كنت حكيت حكايته فى تعليق سابق ـ حب واحدة قوى على مراته وكانت اجنبية وبدل ما يعمل معاها علاقة سأل شيخ عن الجواز العرفى، الشيخ قعد يتهرب ومقالوش صراحة انه حرام ولا حلال، بس الراجل قاللك لو كان حرام كان الشيخ قالها صراحة وفعلا قال للست الانجليزية دى على انه هيتجوزها عرفى وبالنسبة لها مكنتش فاهمه حاجة ومش عارفة طيب ايه الفرق بين جواز عرفى وبين علاقة جنسية بالنسبه ليها كله محصل بعضه فى النهاية وانا فعلا بشوف انه مفيش فرق كبير بينهم غير يمكن فى المسمى

زمان كان موضوع الجواز العرفى ده عيب وميصحش وكنتى فين وفين لما تسمعيه لكن الغريب دلوقتى انه منتشر جدا واقدر تقريبا اقول ان شبه الاجماع انه متوافق مع الدين ومبيخالفوش

الراجل المتزوج اللى بيعمل علاقة او بيتجوز عرفى يكون غلطان بس برضه اللى بتدخل فى علاقة كده او جواز بالشكل ده بتكون برضه غلطانة، ومنقدرش نحمل طرف واحد مسئولية الخطأ

اما الجواز بواحدة تانية رسميا مع علم الزوجة الاولى فمش كل الرجالة بيتحملوه ومش كل الزوجات هتتقبله، فيفضل الحل انه يلاقى واحدة تقبل العرفى ودايما الراجل وللاسف بيلاقى واحدة تقبل بيه

إيمان قنديل said...

كلهم أندال

بنت القمر said...

نفس تعليق بلاك كايرو تماما
العبره علي اللي تقبل تكون عشيقه او نصف زوجه
الاتنين مشتركين في نفس الخطأ لكن للاسف المراه بتتحمل النتائج لوحدها من سوء السمعه الي بقيه العواقب الجتماعيه والماديه والنفسيه اللي ها تشيلها لوحدها

soly88 said...

هاجمتى الرجاله واعتبتيهم مضاف اليه مالوش لازمه
واسم مجرور من قفاه
يعنى افهم من كلامك ان الست هى المفعول به او صفه
الرجوله مش صفه ولا مضاف اليه
الراجل او الست كيان
المهم الفعل
وعلى رأى المثل الرجوله مش هز اكتاف
انا معاكى ان فيه رجاله كتير عينهم زايغه ولكن كتير من الدراسات بتقول ان ده حاجه فى جينات الراجل
وعلى فكره ده مش دفاع عن الرجاله اللى انا منهم بقدر ماهو توضيح ان الرجاله مش زى بعضها
وبالمناسبه انا بأعتبر الراجل اللى عينه مش زايغه مش طبيعى
يعنى الواحد لو شاف ورده حلوه مش هيبص عليها ولو كانت ريحتها جميله يشم شمه بس ميقطفهاش علشان هيجيب زهريه يحطها فيها ويرويها ووجع قلب
بلاش القسوه دى على الرجاله علشان الستات متزعلش

someone in life said...

Rema
اهلا بيكي يا عزيزتي الراجل دلوقتي هو المجرور اللي محتاج اداة جر اصله من غير المدام المتسلطة مش عارف يعيش و يكون جمله صحيحه تاني
انا شايفه الراجل الان مثل البناء المتصدع اللي بيعمل خدمات للسكان اللي جواه بس محتاج ترميم و مش قادر يطلبه فبياخدة في الخفا
زمن الرجاله صاحبة القرار خلااااااااااااااص
تحياتي

someone in life said...

black cairo rose

الظاهر انك مش عايشه في الدنيا
لا يا عزيزتي الجيرل فريند اكثر من الجواز العرفي خاصة في طبقه معينه لان الراجل بيغير كل شويه الجواز العرفي بين طلبه الجامعه و الطبقه المتوسطة
من طبقة المديرين فيما فوق كل واحد عامله بيت صغير كدة من ورا المدام و مش بيقولها المرتب الحقيقي و عايش حياته فيه الجواز بالنسبه له ارتباط و الدنيا ماشيه ده سببه ارتفاع العنوسه و نسبه المطلقات و فيه ناس مش شايفة امل
الشيوخ بطريقتهم بيحاولوا يقننوا الموضوع بورقه او من غير المهم اشهروا دة يعني حاجة كدة تحت اسم اداروا شويه
قوانين الاحوال الشخصية و الصحوة القومية للمرأة اثرت برضة علي المجتمع بدل ما كان رسمي بقي في الخفاء

تحياتي

someone in life said...

كبارية

اهلا بيكي

من ناحية النداله فدة حقيقي مائه في المائه معاه حق و لا مش معاه الظاهر انه طبع
و علي فكرة النداله مش في المصريين بس هههه لا في الجنس الرجولي كله

تحياتي

someone in life said...

بنت القمر

عندك حق بس ماهي لو تاخد موقف و تقول لا يبقي كله تمام
الموضة الجديدة بقي المتزوجات و ظاهرة الجيرل فريند طيب يا ستي مشكلتك ايه ؟ مش مبسوطة و مش عارفه أطلق و لا اهو بيصرف علي العيال

الانحلال قادم قادم

تحياتي

someone in life said...

soly88

ولو كانت ريحتها جميله يشم شمه بس ميقطفهاش علشان هيجيب زهريه يحطها فيها ويرويها ووجع قلب

هو دة لب الموضوع يا سيدي انه يشم بس يتمتع و بس لكن يتعب نفسه علشانها لا
يبقي الوردة هنا لازم تطلع كل شوكها لواحد مش عاوز وجع قلب

انت كدة جبت من الاخر و شكرا لتوضيحك
و اتمني ان كل واحدة تقرا التعليق دة

تحياتي

Anonymous said...

والله ياsoneone in life
حضرتك بتحكى واقع مش بتقولى جديد
وانا تعليقى إن حسبى الله ونعم الوكيل فى الأم والأب الى ربووو والمجتمع الى روى بذره فاسدة لاهيه عارفه دينها ولا أخلاقيتها ولا بتستحرم وبقى الحلال هو الاستثناء والحرام هو القاعدة وقال ايه ياختى عادى لا ويقولك ادينا مع بعض لغاية متتجوزى يعنى هو انت اتجوزتى - طيب البنت وافقت فين ربناااااااااااااااااا
افعل ما شئت فإن الله يراك

Anonymous said...

والله ياsoneone in life
حضرتك بتحكى واقع مش بتقولى جديد
وانا تعليقى إن حسبى الله ونعم الوكيل فى الأم والأب الى ربووو والمجتمع الى روى بذره فاسدة لاهيه عارفه دينها ولا أخلاقيتها ولا بتستحرم وبقى الحلال هو الاستثناء والحرام هو القاعدة وقال ايه ياختى عادى لا ويقولك ادينا مع بعض لغاية متتجوزى يعنى هو انت اتجوزتى - طيب البنت وافقت فين ربناااااااااااااااااا
افعل ما شئت فإن الله يراك

Anonymous said...

يا صاحبة الزمن الانيق

هل معقول أن يلقى كل هذا اللوم على الرجل وحده؟

وهى الست التانية أو الجيرل فريند مش ست برضه وهى اللى وقعته فى الخية؟

Cherchez la femme ..

والله كلام كله عقل

تحياتى

جسر الى الحياة said...

عارفة باصقف لك يا انوس بوست فى الجون يا بنتى والله بجد بجد تسلم ايدك وفعلا ده بقى حال الرجال او اشباه الرجال فى عصر غريب لاهما بيحترموا فيه المءاة وفى نفس الوقت بيخافوا من زوجاتهم
حسبى الله ونعم الوكيل حاجة توجع العقل والقلب

دمتى متالقة وبحب ومودة

Anonymous said...

ازيك ؟
عاملة اية؟
وحشانى

انا مقصرة معاك
عارفة والله

يا رب تسامحينى