Tuesday, September 16, 2008

أنا مفلسة

أنا اكتشفت أني مفلسة
رصيدي تقريبا صفر
ليه ما اعرفش .. مع اني مفروض اني كونت ثروة لا بأس بها
ثروتي كانت زائفة .. عبارة عن أوهام .. تبددت كلها
كنت اسير في الطريق لعملي و سرحت بخيالي و احسست اني فعلا مفلسه
فتحت حقيبتي و فتشت في اشيائي كلها لم اجد غير وهما .. لم أجد شئ ذا بال
لم أجد غير واحدة .. فقط واحدة .. تتذكرني عندما تبغي شيئا
رحل الأخرون لانهم كانوا يبغون شيئا هم الاخرون .. لم تتحقق كل امنياتهم مني .. فرحلوا دون رجعة
تصفحت وريقات في مدونات عميقة المعني و زاد السرحان فيما لدي
لم أجد احدا لو توفاني الله يمشي ورائي في جنازتي أو يقرأ علي روحي الفاتحة .. من سيتولي ابني و يبلغ أبوة في بلاده
من سيواسي طفلي لو مت ليلا .. هل سيظل وحده مع جثة هامدة .. هل سيفزع .. صاحب المدونه حكي عن رجل مات
و لكن جميع جيرانه و اصدقاؤة شيعوه الي مثواة الاخير مع الدعاء بالرحمة له
جيراني لا يتحدثون معي لاني امرأة وحيده .. لا يطرق بابنا أحد سوي امرأة الحارس لأاخذ نقود الصيانه و خلافه
لم يتصل بي أحد من أول رمضان تقريبا .. ماذا فعلت .. خدمت كثيرون و توددت لهم لكن ربما لظروف عمل أو مرض رحلوا جميعا
لم يتبق لي أحد .. فقط زملاء العمل .. سيتفضلون بارسال برقيه عزاء
بعد زيارتي لاحد المستشفيات فكرت كثيرا لو نمت علي أحد هذه الأسرة من سيعتني بي ؟ من سيزورني و لمتي ؟ هل سأواجه المرض و الفقر وحدي دون معين .. هل ستكون نهايتي ان يحملني رجل الاسعاف و يرميني في قبر مجهول دون الدعاء لي
من يعرفني يقول أني ودودة .. أين ذهب هذا الود .. هل هي كلمات جوفاء لا معني لها ؟
صعب ان تكتشف ان رصيدك صفر

33 comments:

بت خيخة وأى كلام said...

انا معنديش مانع اسأل عليكي
لمجرد السؤال
يعنى مش عايزة منك حاجة

كل سنة وانتى طيبة

سلام
اختك خيخة

appy said...

لا يا حبيبتى واحنا فين انتي هتهزري انتى مكنتيش شايفانى فى الشنطه اااااه انا كنت قاعده بين الورق انا كده رخمه
احنا اخواتك وانتى عارفه

blue-wave said...

ليه كدا بس؟؟
احنا معاكى ماتقلقيش
وكل واحد معاة كارت شحن هانضيفه لرصيدك
اضحكى بس وماتشيليش هم
كلنا جنبك

صباح الخير يا مصر said...

someone in life
*******************
يابنتى حرام اللى انتى بتعمليه فى نفسك ده...انا كمان قرأت البوست بتاع احمد كمال عن الرجل الطيب الخدوم الودود لكل من حوله....ولكنها يجب ان تكون تذكره لنا جميعا ان الخير لا يضيع هباءا و ان العمل الصالح هو ما سينفعنا فى دنيانا و اخرتنا
دعينا نأخذ الجانب الايجابى و المضئ من الاشياء..دعينا لانفقد الثقه فى الله بان الله لن يضيع اجرنا فى عمل الخير
زيارتك للمستشفى يجب ان تزيدك يقينا من ذلك فقد زرتى المرضى و كان الله عندهم..فتخيلى من زرتى
اجعلى قوتك تأتى من يقينك بالله
ولا تجعلى الشيطان يتلاعب بكى

تحياتى وكل عام وانتى بخير

blackcairorose said...

يا عزيزتى

امحى هذه الافكار السوداء فلن يجرى علينا غير المكتوب لنا وان شاء ربنا يعطيكى طول العمر وتشوفى ابنك كبير وتفرحى بيه

كان عندى واحدة من اخواتى عندها ثلاثة ابناء وانفصلت عن زوجها كانت احيانا ايضا ينتابها افكار زى افكارك وتقول اذا حدث لها شىء من سيتولى تربية الاولاد والان عقبال اولادك ولادها كلهم اتجوزوا وفى بيوتهم وليها كمان احفاد

خلى ايمانك كبير

اما بالنسبة للجيران والمعارف، الناس فى مصر مبقتش فاضية تقضى مصالحها فما بالك بالصداقات والجيرة، انا نزلت مصر السنة اللى فاتت قعدت كام شهر وفيه ناس مشفتوهمش رغم الصداقة والعشرة القديمة وكنا نتكلم ونقول لازم نتقابل بس الدنيا تلاهى زى ما بيقولوا

اضحكى عشان خاطرى

وكل نص رمضان وانتى بخير

.:.-=- ELGaZaLy-=-.:. said...

همممممممممممممممم
احينا كثيرة تاخذنا الحياة وتنمشى بطرقاتها نحارب ننتصر او ننهزم سيان..نغلق الابواب فى وجة اناس ونساعد اناس اخرين..لا احد يا سيدتى رصيدة فى الحياة صفر..قد يوشك على النفاذ..ولكنة لن يصبح صفرا ابدا ثقى بذالك..

Sherif said...

نفس كلام آبى

أمال احنا رحنا فين؟
ثم ايه الافكار الغريبة الصعبة دى ؟
افتراض شئ ليس رجما بالغيب .. كلنا هذا الانسان

ثم لو حدث لى شئ لاقدر الله ( الشر بر (وبعيد يعنى
الله يتولى شأن البشر هو اللى خلقهم وعارف هايعمل معاهم ايه

طبعا كانت مفاجأة مدهشة ان عمر كان معاكى

حدّ يبقى عنده عمر اللذيذ ده .. ويكتب كده؟

بنت القمر said...

ربنا يخلي عمر بالدنيا
ان شاء الله ها تفرحي بيه وتشيلي اولاده وتعزميني علي فرحه
خلي ايمانك بربنا اكبر من كده
محدش ضامن بكره ابدا وما تخليش خوفك من بكره بفسد عليكي الاستمتاع بانهارده وبحضن عمر وونسه
تحياتي
سبت لك اوف لاين يا ريت تكوني شفتيها

Diyaa' said...

ياااه
نفس الخوف عندي
خصوصاً وأنا متحذ قرار بالعزلة أصلاً
بس ..اللي يشوفك يوم السبت ويشوف الود هيتأكد إن ليكي رصيد وربنا مش هينسي إنسانة بالجمال ده ومش هنسي إهتمامك بمين يدخل ومين يخرج وتعالي إنت
ومسكة الدراع كأنك أم الأطفال اللي جوه كلهم وبتقومي بدورك بشكل تلقائي إندهشت معاه في الآخر لما عرفت إنك مدونة زيك زينا مش حد من إدارة المستشفي ..بإذن الله كل أخواتك اللي كانوا يوم السبت موجودين هتلاقيهم في رصيدك وقت ما تحتاجي

جزاكي الله كل خير لوجودك وإهتمامك وربنا يجمعنا في الخير دايماً ويجعله في ميزان حسناتك
والسلام ختام

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

مياسي said...

هاي الوحده هي السبب
بتخليكي بتفكري و بس

بس تعرفي شو؟
ما تفكري احسن و عيشي ايامك؛ كله تحصيل حاصل:)

الله يسرلك يا رب و يخليك ابنك

soly88 said...

عزيزتى



الأمل مجانى واليأس يكلفك الكثير

؟صعب ان تكتشف ان رصيدك صفر
عزيزتى رصيدك بداخلك وليس عند احد

اجندا حمرا said...

عزيزتي

ماقدرش اقولك ان الأفكار دي مابتجيليش من وقت للتاني و بتخاللي نفسيتي في الحضيض
بس بحاول اني ماخاليهاش تسيطر عليا عشان اول مابتسيطر عليا بيكون صعب اتخلص منها

حاولي تستمتعي اليوم بيومه انتي و أبنك و ماتشغليش بالك اوي بالمستقبل عشان ماتضيعيش فرحه استمتاعك بالحاضر
صدقيني الدنيا تلاهي و مش كتير بقم بيسألوا علي بعض
حتي المعايده دلوقتي بقت بالأس أم أس

فرفشي كده و روقي و انشاء الله الجاي أحلي

someone in life said...

بنت خيخة و اي كلام
كل سنة و انتي طيبة و ميرسي على سؤالك
تحياتي


Appy

اهلا بيكي انا مش نكدية يا عزيزتي لكن بافكر كتير
لا انتي مش رخمة انتي سكر
تحياتي


Blue wave
اه انا محتاجة كارت شحن ب 300 جنية يمكن يملا الفراغ الداخلي
باضحك و الله يا دكتور ومش بانكد علي حد
تحياتي

someone in life said...

صباح الخير يا مصر

انا مؤمنه بربنا قوي بس لو حضرتك عايش من غير اسرة و لا عائلة و علي متفك مسئوليه يمكن نظرتك للحياة اختلفت اكيد كنت مش هاتبقي مبسوط
الخير احيانا بيذهب يا سيدي مع الريح

تحياتي

someone in life said...

black cairo Rose

عزيزتي ما فيش نكد و الحمدلله انا مبتسمة و مخلياها قوي علي ربنا
لكن موضوع ابني ده كبير لانه لا ينتمي لهنا و لا عاوز و كمان من دلوقتي ليه دنيا خاصة بية قوي و انا مش ممكن افرض علية يكون معايا الحاجة التانية و اللي مش فاهمها كتير الوحده القاتله لامرأة في عمري بتشوف العمر بيجري و لا الصاروخ

تحياتي

someone in life said...

el ghazaly

اهلا بيك لم يبق في الرصيد الا واحدة و بتشاور عقلها في السؤال الا في حاله طلب مساعدات فقط

تحياتي

someone in life said...

Sherif

اهلا بيك عمر لذيذ و لطيف لكن ليه الدنيا بتاعته
معلش هاختلف معاك انا مش زي الجميع انا في وحده مغرقة يمكن ما فيش حد حاسس بيها الا انا

تحياتي

someone in life said...

بنت القمر

تفرحي باولادك انشاء الله شفت الاوف لاين انتي مختفية فين
تحياتي

someone in life said...

diaa

اهلا بيك و شكرا علي المجاملة الرقيقة

تحياتي

someone in life said...

مياسي

اهلا بيكي طبعا الوحدة قاتلة صعب جدا ان تعيشي بلا احد و ابني بعده صغير لا حول له و لا قوة

تحياتي

someone in life said...

Solly 88
اهلا بيكي
داخليا الرصيد صفر لاني تعبت من الناس و تصرفاتهم

تحياتي

someone in life said...

اجندا حمراء
انا مش زعلانه بس بافكر و مافيش متعه في الحاضر صدقيني الشقاء موجود و بكرة مش معروف حلو و لا وحش
خليها علي ربنا
تحياتي

maxbeta3zaman said...

الكلام اللى جاى كله هزار لزوم الخروج من المود الموتوى - التصفوى -الخوفمسقبلبى (زى اليوروأوسطى )- الصحراوى الموحش ....
لا ياستى موتى انت بس وانا اجيبلك عشرتلاف واحد ببدل اسموكنج والم من البلوجاويه فلوس نعمللك صوان 17 فدان ولمبات من اللى بتنور وتطفى كده زى السيما ..ونصور القعده فيديو ونجيب شوية فنانين من اللى وجوههم معروفة يقعدوا أهويدو منظر برضه والمصوراتى يعمل زووم عليهم كان بودى اجيب فريد شوقى والمليجى واحمد مظهر بس لقيتهم كلهم ماتو موش مهم البركه فى حسين فهمى ومحمود يس وهاعمللك نسخة من ده كله ونبعتها فوروارد على فوق تقومى توصلى تلاقيها سابقاك وتعرفى انك لك جمهور ولست مفلسه >>> أوعى تزعلى تانى واطردى الوسوس والهجايص دى من الأنفخى لحسن اكتب فيكى قصيدة هجاء

goodman said...

لا ادرى هل ان من ضمن المقصوديين ام لا؟
لم نتحدث بالفعل منذ اول ايام رمضان
ولكنى حاولت مفغاتحة الحديث اكثر مرة ولم اجد استجابة
فظننت انك مشغولة ولم اشأ المحاولة مرة اخرى
حتى تكونى مستعدة
قرأت كلماتك وتألمت لها
ولم افهم ما حدث بالضبط
بالتأكيد هناك من يهتم بك
لا تفكرى بغير ذلك

Sola said...

2eh ya gamiel bas:
ya sety walahy ana bas anzel masr o aa ha2refek o hazourek kol youm law mesh 3andek mane3 ya3ny
farfeshy ya amar
bosy
balah tetfaragy wala 3al daly wala 3ala 2ed amenah,akeed homa dol elly beynakedo 3aleky
yalla kol sana o enty tayeba 3ashan el 3eed o ramadan
salamoz

حازم سويلم said...

عزيزتى .. هونى على نفسك, هم الخاسرون, وبعدين احنا رحنا فين.. جنبك بخطوة

اعتقد بقر علمى ان وحدتك هى السبب فى هذا الأنطوتء المرضى

من يعرفونك لا يسألون عنك, فليذهبوا الى اجحيم ولتستبدلى بهم اصدقاء اخرين يقدرون قيمتك ويحفظون لك الود والمحبة, اصدقاء يقفون بجانبك فى المحن قبل المسرات

انهم لا يستحقون منك سوى الأزدراء فقط

عيد سعيد يا جميل

someone in life said...

ماكس بتاع زمان

طيب انا مت خلاص و مش لاقيت حاجة شفت
انتوا ضحكتوا عليا
شكرا لك ياسيد جرير و الفرزدق

تحياتي

someone in life said...

good man

انا لا اقصد احد مطلقا و لكنها مجرد افكار و خواطر

تحياتي

someone in life said...

sola

Thank you .. wish you happy Eid

someone in life said...

حازم سويلم

اهلا بيك و كل سنه و انت طيب

انا اقلعت عن البشر عن اقتناع

تحياتي

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘