Thursday, August 12, 2010

هو أنا نمرة كام ؟


هو أنا نمرة كام ؟
كل اللي أعرفه اني عمري ما كنت نمرة واحد ممكن أكون ثلاثة أو أربعة
سؤال غريب طرأ على بالي في عز النوم و الصيام ، قمت من النوم و انا لسه نعسانه
و فكرت هو أنا فعلا نمرة كام ؟
بالنسبة لماما كنت نمرة اتنين علشان الشغل كان نمرة واحد
بالنسبة لأصحابي في المدرسة ممكن أكون ثلاثة أو أربعة بعد عائلاتهم و دراستهم
بالنسبة للشغل دايما أنا رقم مائه ربما لهدوئي الشديد و عدم رغبتي في إثارة المشاكل
بالنسبة لزوجي السابق كنت رقم ثلاثة أو أربعة بعد الشغل ووالده و اخواته و أحيانا
العمال اللي بيشتغلوا معاه ( يعني العمال أهم مني )
بالنسبة لأبني طبعا أنا نمرة أربعة أولا أصحابه و الكمبيوتر و بعدين الدراسة
و بعدين
بابا و بعدين ماما الوحشة بتاعة الأوامر و القواعد
بالنسبة لبعض الأشخاص المهمين في حياتي لا يوجد مكان لي
يعني أنا درجة رابعة و لا درجة ثالثة بعد أربعين سنة خدمة في الدنيا الحلوة دي
إية الخيبة دي

12 comments:

maxbeta3zaman said...

لا يهم كوننا رقم واحد والا ميه عند الناس ...فإن التقدير والاعتمام والحب لا يجب ان يقاس بالنراتب أول وثانى وثالث لينا فى سباق للمساعر ةالاهتمام نأخذ نصيبنا من خب واهتمام الآخرين وليس لنا الخق فى ترتيب أنفسنا عنهم كل واحد له أولوياته فى الاهتمام مابين الأم الزوجه الأصدقاء العمل الهوايات وهكذا ...القرار شخصى مخض ..

Che said...

على كتر ما سألت نفسى اسئله كتير عمرى ما فكرت اسأل نفسى السؤال ده
فى الغالب هتكون اجابته مخيبه للآمال
تحياتى على البوست الجميل

Anonymous said...

I sent you a mail on maro 90

KHALED said...

مش عارف لية باحب أجى أقرا إللى بتكتبية ... يمكن عشان مكتوب من القلب فبيوصل للقلب بسرعة .. يمكن

someone in life said...

ماكس بتاع زمان
حمد الله على السلامة
لا مهم قوي نعرف مكانا من الأخرين علشان تبقي عارف طريقك و تعرف مين هايكون جنبك في محنتك
هو مش سباق قد ما هو تقدير
انت لو مش عارف مكانك في قلب أولادك كنت هاتبقي في حيرة أو تحس ان مش ليك مكان
ااقولك دليل الناس اللي عايشة في بيت مسنين او في الشارع دول ما فيش مكان ليهم لا في قلوب و لا في بيوت أقرب الناس ليهم

يا عزيزي هاقولك كلمة بأقولها لصديقك شريف الزمن ده غير زمنكم الجميل
تحياتي

someone in life said...

Che
أهلا بيك في المدونه باشوف تعليقاتك في أماكن كتير
هنا ممكن تلاقي أسئلة غريبة لاني بأغطس جوا نفسي قوي و مجروحة من الناس قوي

تحياتي

someone in life said...

خالد
شكرا على مجاملتك الرقيقة
انا باكتب اللي جوايا هنا غرفة الصمت اللي باصرخ فيها براحتي

ليه مش عارفة ادخل مدوناتك

تحياتي

KHALED said...

لا بجد ... مش مجاملة
الكلام بيكون صادق جداً بدون تزيين أو تجميل .. حتى ولو كانت شكوى

أرق تحية من صديق قديم

KHALED said...

معلش نسيت

عارفة أكتر حاجة كتبتى عنها و خلتنى أصدقك ... شوال البطاطس
بس دة مش بيكون صحيح دايماً .. حتى لو حسينا بكدة

someone in life said...

خالد
عاجبك شوال البطاطس
لسه امبارح شايفه واحد بيقلب في الشوال طلع بواحده هبلة و معقده بس حلوة وده الأهم
انها تكون doll
مش اكثر و لا أأقل هيتجوزها و هايدفع كتير و بعد كام شهر تلاقيه
على برامج الشات بكل عقده
انا بره الشوال الحمدلله بس باتفرج
تحياتي

khaled said...

هههههههههههههه

بتحصل كتير ... و يمكن علطول

عندك حق

اقصوصه said...

مبارك عليك الشهر

وكل عام وانتم بخير :)