Wednesday, December 9, 2009

شوال البطاطس

حد فيكم راح يشتري مرة اي حاجة من السوق ؟
قدامه أشكال و أنواع في شوال او في قفص
مد ايده و قلب شمال و يمين و دي رماها علي جنب و دي شكلها مش عاجبة و دي بوظها بايده
و في الاخر يمكن يشتري او مايشتريش حسب مزاجه و يمكن اللي يشتريه يطلع طعمه مر و ماسخ
بس هو عجبه شكل و بس
انا بقي تعبت أكون جوا شوال البطاطش دة ... شوال الدنيا
كل واحد و لاواحدة تبص في خلقتي و تلوي بوزها
اصلي مش عاجبة سعادته و لا سعادتها
تعبت أكون في سوق الجواري لمجرد طلب طبيعي جدا أقرة مجلس حقوق الانسان
ان يكون لي حد يسال عني أو ارتبط بانسان مناسب
اتحطيت جوا شوال البطاطس و كل واحد بينقي فيا شويه ... قصيرة لا مش عاجباني
شعرها مش عارف ايه مستواها عامل ايه لا عاوزها تخينه لا رفيعه
محجبه لا تشيل الحجاب
اهلا الله انت امورة طيب بتدخني ... لا
طيب بتشربي ... لا
انت معقدة و لا ايه؟
اهلا الله مخك متفتح بس عاوزك تطولي شويه و تسيبي ابنك يروح في داهيه
و لا اقولك ايه رايك نبقي اصحاب شويه الاول
كل واحد من الساده المتفرجين لو بص لنفسه في المرايه قبل ما ينزل او شاف اللي لابسه
و لا حتي مستواه الاجتماعي اللي قارفني بيه انه محصلش و ابن فلان و علان
و يمكن يكون بيتهم ناقصه صابون و شامبو و حتي كلونيا مش بارفيوم
او فاكر ان حساب سعادته في البنك هو ده الحلم
طيب ليه انا مش اعتبرتك جوا شوال انت كمان و ممكن استحمل عيوبك البشريه العادية؟
هما اولاد الناس الطيبين راحوا فين؟
و ليه الكل دلوقت بيوعد و مش بيوفي بكلامه بس شاطر يقول و يدعي ابن الناس اللي ماحصلش
انا زهقت من شوال البطاطس اللي محشورة فيه
و زهقت من المثل العليا و القيم و كل حاجه
زهقت من كل حاجه

6 comments:

♥♥SaLLy♥♥ said...

مساء الخير
ازيك ايناس
بقالي كتير مش باجي هنا بس اسك البوست شدني اوي فجيت اقراة..يااة وجعني اوي كلامك..تصوري هي دي الدنيا فعلا.زالكل بينقي فينا و بيحاسبنا و للاسف ما حدش بيحاسب نفسة..و فعلا الناس بقت بتوعد و ماحدش بيوفي بوعدة و الكدب شغال في كل لسان ناطق
الله كريم و بيعين

soly88 said...

بعيدا عن الشوال والبطاطس
الأول أسألى نفسك انت عايزه أيه
زواج - صداقه - معرفه
ورغم انى اعرف عنك انك انسانه محترمه وشيك جدا
الا أنك دوما ما تصدمى فى معرفتك بالآخرين
التأقلم مع الواقع ربما يكون حلا
==وبالمناسبه ولاد الناس ليسوا باللبس ولا الفلوس

Sherif said...

عزيزتى صاحبة الزمن الانيق
------------------------

هى نفس قصة جحا وابنه والحمار .. الناس مايعجبهاش العجب .. وهى تظن ان ماتفعل هو لتحقيق السعادة بينما السعادة لها مقاييس اخرى بدليل ان احدا لايضمنها

المشكلة ليست فى انك تضعى نفسك فى شوال البطاطس .. المشكلة انك تضيعين يدك فى شوال البطاطس انت ايضا

بمعنى انك تختارين من شوال بعينه له مواصفات محددة ولا تبحثين فى غيره
وربما كان فى غيره خير كثير ..

فلماذا لاتغيرين القواعد والمواصفات فتبحثى فى شوال فراولة او تفاح مثلا؟

someoneinlife said...

sally

اهلا بيكي انشالله تكون اخبارك احسن
يا عزيزتي الكذب واضح انه طعام البشر و الخديعه شرابهم ماذا نفعل

تحياتي

someoneinlife said...

soly88

اكيد طبعا انا عارفه عاوزة ايه و جاده جدا فيه
لكن للاسف الاخرين لا يعرفون للجديه معني
الاخرين فعلا صادمين لي ربما لاني اتعامل بمثاليه شديدة
الواقع فاسد و لم اعتاد الفساد

تحياتي

someoneinlife said...

sherif

اهلا بصاحب الزمن الجميل اللي لو كنت عايشه في زمانه ماكان حصلي اللي بيحصل
عارف ليه ؟ علشان الناس كانت اكثر صدقه اللؤم و الخباثه ااقل المنفعه و المصلحه أأقل
و كمان الكبت كان أأقل

و الله يا استاذ شريف لم أجد تفاح بعد و لا فراوله كل اللي لاقيته بصل بطاطس جميز
ناس بتلمع لكن من جوا مصديه

لو لا قيت شوال كنتالوب معدي ابقي قول لي

تحياتي