Thursday, July 2, 2009

تليفونك بيرن

علي فكرة تليفونك بيرن ....
لا مش هارد
أه ده فلان أو فلانة طنشي
علي فكرة ايميلاتك مليانة علي الأخر ......
لا مش هاقرأ نصهم
لا هامسح المجموعة دي من غير حتي ما افتحها
علي فكرة انت معاك ميعاد مع فلان او فلان’ ......
لا مش رايح ... طنش
طيب اعتذر ما فيش داعي طز
علي فكرة انت وعدت فلان او فلانة انك هاتعمل ليهم خدمة أو مساعدة
اه ده كان كلام فض مجالس هو انا فاضي او يتفلقوا
كل دي من صفات عدم الاحترام للاخرين
و لو حصلت فيك انت شخصيا اكيد هايطلع دخان من دماغك
رد علي التليفون .. رد علي الايميل و لو باعتذار ... وفي بالوعود
و الا ايه لازمة التليفون اللي سعادتك شايله و بتشتري احدث الصيحات
و لا لازمه المليون ايميل اللي عاملهم و لا ليه بتفتح بقك باللي مش هاتعمله

4 comments:

وميض ابتسامة said...

عزيزتى

شكرا لطرحك هذا الموضوع وخصوصا بعد ما اصبح التليفون موبايل يعنى الطرف الآخر شايف نمرتك ومتأكد من هويتك وبالرغم من كدة مطنش .. اعتقد ان دى قمة قلة الذوق والسخافة ولا يستحق هذا الشخص مستقبلا الا ان يبتر اسمه من لائحة الاسماء اذا تكرر منه هذا الفعل الذى لا يدل الا على قلة الذوق والاحترام

تحياتى

حازم سويلم said...

صباح التنفيض, احيانا بيكون هذا هو اروع ما فى الأمور, ان تكبرى دماغك, ليس طوال الوقت طبعا لأن عواقب هذا وخيمة, انما لبعض الوقت فقط

كثير ما يمنحنا هذا احساسا بالحرية, واننا سادة امرنا ولسنا تروس فى آلة تدور بلا رحمة

تحياتى

كلام على بلاطة said...

اطفال الشوارع
امكانياتنا محدودة او معـــــــدومة ونخلف اورطة عــــــيال
وطبعا هيزهقونا فنرميهم فى الشوارع بكل سماحة واهمال
ونهرب من امهم لواحدة حلوة تفهـــم فى فنون الدلع والدلال
وتتكرر موضوع الخلفة لتربطنا بيهم فالعيال مجرد حبال
وننسى ونتناسى ان لهم هموم ومتطلبات تهـــــــد الجبــــال
ونلعن الظروف وهى من صنع ايدينا واصلاحها مش محال
بالتخلى عن ثقافة الجهل والتخلف المريرة صعبة الاحتمال
والهروب للعلم والمعرفة حتى تبقى العيشة اخر جمــــــــــال
ونخلف على قدنا ونربيهم داخل البيت بالتمام والكمــــــــــال

hanan said...

بصى هو أحيانا بيكون غصب عن الواحد
تعبانت او مرهق او مش حابب يكلم حد
او متضايق ومش عايز ده يظهر فى صوته او حد يزعل منه
بس ده بيكون منطقى لمرة مثلا
لكن لو قرر الإتصال بعدها علطول
يبقى لازم يفهم ان فى موضوع يستاهل

وعموما اقولك حاجة الغلط مش عليه
الغلط على الناس اللى بتديله اعتبار اكتر وتهتم به بعدها عادى

تحياتى