Thursday, June 12, 2008

أرفض تماما

شوارع مصر الجديده مليئة بلافتات من حجم كبير على جميع الأعمدة تدعوا لتحديد النسل و التفكير في كل مولود قادم و حقه في الحياة من رعاية و صحة و تعليم .. حملة رائعة لتنظيم الأسرة طبعا بمناسبة مؤتمر السكان المنعقد حاليا

كم تكلفت هذه اللافتات الملونة الجميله المعلقة من أول طريق المطار الى العباسية .. و لماذا مصر الجديده التي اغلب سكانها متعلمون و حاصلون على مؤهلات عليا و اطفال معظم أسرها لا تزيد عن ثلاثة و احيانا واحد و احيانا لا يوجد أطفال . أليس من الأفضل ان توجه اموال هذه الدعاية لمراكز الرعاية و التوعية الصحية في الريف الذي يلد مثل الأرانب.


أرفض تماما اداء الضرائب للدولة أو أيه تأمينات اجتماعية فيها لاني فعلا لا استفيد بأي شئ من هذه الضرائب كمواطنه مصرية

مع الأسف أنا بأدفع مصاريف باهظة في التعليم ليس من اجل المباهاة و لكن أملا في ان يحصل طفلي على وظيفة محترمة في المستقبل , مصاريف البنزين اصبحت اغلي و الضريبة المفروضة على المبيعات و غيرها

نشتري المياة لنشرب لان المياه سوداء و بها اتربة من الصنبور و لا نستطيع العلاج في مستشفيات الدولة المتهالكة لذا ندفع اجرة الطبيب الذي لا يقل عن مائة جنية في المرة الواحدة غير الأدوية و التحاليل و الأشعات , لا أجد شوارع سليمه للسير فيها , كل الشوارع مليئة بالحفر و المطبات و هذا بالطبع يقلل من العمر الافتراضي للسيارات و غير مصاريف تغيير الكاوتش كل فترة. زرت مصلحة حكومية لأاداء بعض الأوراق المكان ضيق و مظلم و خانق و زحام شديد و طبعا الموظفين عليهم ضعط فظيع و يتعاملون بشبه صراخ بصراحة عندهم حق لان المكان غير أدمي بالمرة فماذا لو الحال ان الموظف علية ان يقضي عمرة كله في هذا المكان الكئيب

ممكن تقولوا حق الفقراء و حق المواطنه ، حاضر موافقه لكن هو الفقير و محدود الدخل استفاد ؟ لو دخل مستشفى بيموت و بيقف طابور طويل على رغيف خبز اسود لون الأرض حتي السادة الفلاحين بيشتروا الخبز المدعم و يأكلوه للطيور لأنهم بيخبزوا في البيت و رأيهم ان هذا الخبز طعمه سئ .. يعني أنا بادفع الدعم لاجل أكل الطيور .. ده اسمه عقل
و حتي مواصلات الفقراء لا تركب من القذارة المتناهية و الزحام الشديد يعني انا و انت و هم و هن و كل الضمائر لو دفعنا بالضمير سيكون الفقير كما هو لن يتغير حاله

الدولة تأمر بدفع الضرائب و المستحقات و لا أجد أحد من السلطة التنفيذية يحميني او ينظم لي حياتي .. خاصة رجال المرور الذين يبحلقون في السيارة من اجل التأكد من حزام الأمان فقط و الا مخالفة بمبلغ و قدره و لو ممكن سؤال حضرتك بتبحلق فيا بقرف و كرشك مترين قدام فكرت تنظم المرور يمكن ألحق شغلي او ميعادي في وقته أو حتي اريح ساقي المرهقة من القيادة و الوقوف في الاشارات بالساعات

السادة موظفين الحي ياتري نظفتوا الشوارع و رفعتوا القمامة ؟

ادفع ضرائب لمين ؟ للفلاحة الأرنبة التي تلد من ستة لعشرة أطفال و تاخذ مني ملابس و طعام غير أجرتها لو قامت بأي مهام لي ؟

يعني هي مش تعبانه في تربيتهم ( كله على حساب صاحب المخل

و لا ادفع ضرائب علشان السلطة التنفيذية كرشها يزيد و يزيد و لان الوزراء عاوزين فيلات في التجمع و بورتو السخنه؟
انا لا أخذ طعام و لا ملابس ابني و لا اي شئ من العمل بالعكس روحي بتطلع علشان أدفع للفلاحة الأرنبة أو لـ..... و غيرها

25 comments:

روابط said...

أول تعليق محجوز

روابط said...

عزيزتى .. ما ترينه من لافتات فى مصر الجديدة وصلاح سالم هى عملية طبل وزمر من أجل كلمات القائد الذى لا ياتيه الباطل من بين يديه ولا من آى حتة تانية, فطالما جنابه قال الزيادة السكانية يبقى أتحزمى وارقصى يا حمدية , وحمدية لمن لا يعرف هى الحكومة التى تشبه الدبة التى قتلت صاحبها من الغباء

انا أؤيدك تماما فى رفضى دفع اى رسوم او ضرائب للحكومة ما دمت لا استفيد منها بشئ مطلقا اللهم الا اللمم, وهذا ما يفعله اغلب المصريين كأجراء دفاعى محض تجاه الحكومة فكلنا يستحل أموال أو خدمات الحكومة ويأبى ان يدفع الا عن قهر أو اضطرار لنفس الأسباب التى دفعتك الى رفض الدفع

ما رأيك أن ننظم حملة معا شعارها أرفض الدفع, أو ممكن نعكتب بعض التدوينات من اجل التوعية بالحقوق والواجبات من والى الحكومة والشعب

لماذا لا يلح كل مواطن ويستغل كافة الطرق القانونية من اجل الحصول على حقوقه المسلوبة من أكبر لص بمصر

تحيات مواطن مغتاظ دوما

عين فى الجنة said...

اولا مبروك الصورة الجديدة احسن كتير من القديمة
اما عن الضرائب فتندرج تحت بند الاذعان للحكومة بدون مناقشة ، فنحن عبيد احساناتهم
تحياتى

someone in life said...

حازم سويلم

اهلا بيك يا تري اخبار الشغل الجديد ايه ؟
يا عزيزي ايه الخدمات اللي انا باستفيد منها ؟ انا ظهري انكسر من الشوارع هنا ما فيش حاجه الاو بادفع
ثمنها الضعف
صدقني لو فيه اي فايده انا اول واحده تدفع و طظ في حمديه دي
تحياتي

someone in life said...

راجي

انا غيرت الصوره ارجوا انها تعجبك حضرتك تأمر
و لامتي هانفضل عبيد ؟ بجد انا زهقت
تحياتي

blackcairorose said...

عزيزتى

لو ناقشتى شخص فى الحكومة سيذكر لك كثير من المجالات التتى يتم صرف متحصلات الضرائب فيها

وسيقول ان ما تفعله الحكومة مهما كان قليلا فى رأىالكثيرين تدخل فلوس الضرائب فى جزء غير صغير فيه

اعتقد ان مشكلة الضرائب الاساسية هى مثل مشكلة اي قانون فى البلد هو انه لا يتم تطبيقه على الجميع ولا توجد وسائل للتحقق من فاعلية تنفبذه ووجود رادع لمن لا يطبقه

اسهل ناس يقوموا بالتزاماتهم الضريبية هم الموظفون لانه يتم خصم الضريبة من منبع المرتب

اما بالنسبة للفلاحةالارنبه

المضحك المبكى ان حتى الشعور بالمعاناة كثيرا ما يحتاج درجة من الوعى لا توجد عند مثل هذه الفلاحة الارنبة

أبو خالد said...

أختى الغالية /
معك لا تدفعين الضرائب
و ياليت الشعب المصرى كله
يعمل عصيان مدنى
لا يدفع أيجار و لا نور و لا غاز و لا نظافة يمكن حمدية تحس على دمها
و أعجبنى تغيير الصورة فى المدونة
كنت أحسها دموع نازفة دم
و أنا لا أحب الدم
جزاك الله خير

بنت القمر said...

يا صديقتي العزيزة
============

في امريكا الشعب بيبهدل الحكومه
وكل كلمه يردحولهم ويقولوله احنا دافعي الضرايب
احنا دافعي الضرايب
من اول ميزانيه الدوله الي قرارات الكونجرس الي شن الحرب في العراق
غيره
انتي بتتفرجي علي افلام امريكاني كتير
:)
بلاش يا عزيزتي
عشان صحتك النفسيه
:(
فوقي يا ماما نحن هنا في العالم التالت
تحياتي

صباح الخير يا مصر said...

someone in life
****************
المشكله ان الحكومه عاجزه و فاشله تماما فحسب ترتيب كلامك نجد سوء التخطيط الواضح كما ذكرتى و فى نفس الوقت عملا بنظريه اخذ اللقطه امام الكبار فالكبار لن يذهبوا ابدا للريف ليروا هذه اللافتات كما تذكرنا هذه الفقره بنظرية الشئ المناسب او الرجل المناسب فى المكان الغير مناسب دائما
وان اراد اعداؤنا الحاق الاذى و الضرر بنا فلن يستطيعوا ان يفعلوا بنا اكثر مما تفعله هذه النظريه
فنجد الان ان كل ذى فكر و شخصيه مؤثره فيمن حوله و يتفاعل مع مشاكل مرؤسيه ...نرى استبعاده من الاستمرار حيث انه لم يعرف اصول اللعبه الان و هى التخديم على مايريده الكبار ويتم تلميعهم به وليس فكره و كفاءته

واذا انتقلنا للفقره التاليه سنجد فشل الحكومه هو السبب لانها فشلت ان تقنعننا بان الضرائب المدفوعه لها عائد حقيقى علينا وهكذا تتنقل الحكومه من فشل الى فشل ومن فساد الى فساد اقوي يسيطر عليه الرأسماليين الجدد الذيين لا نعرف لهم اصولا و الذين اختلطواوتزاوجوا مع الحكومه فاصبحوا عائله واحده فلا يتم الفصل بين مصالحهم و القرارات المهمه فى البلد التى تخرج اصلا للتخديم على مصالحهم

لا املك الا ان اقول حسبنا الله و نعم
الوكيل و لكى الله يا مصر

تحياتى و آسف للاطاله

Anonymous said...

من أجمل الهوايات التى يحبها كل المصريين .. النفخ فى قربة مقطوعة

هل يجدى الحديث الى طرشان ؟

someone in life said...

بلاك كايرو روز

نعم تخصم الضرائب من الموظفين قسرا و قمعا من المنبع و لكن لمن لأين لماذا الله اعلم شئ يتعب الاعصاب .. اما الفلاحه الأرنبة يوجد برامج توعيه لها لكن احيانا ودن من طين و التانبة من العجين و بصراحه بيستعبطوا زي ما قلت مش تعبانين في تربيتهم

تحياتي

someone in life said...

ابو خالد
اهلا بيك و يستمر مسلسل الخوف و لن يتحرك احد و يبقي الحال علي ما هو عليه
تحياتي

someone in life said...

بنت القمر
لا انا مش باتفرج علي افلام و لكني معترضه علي وضع مؤسف في بلدي و حتي لو عالم تالت لكن لنا حق في الحياة
تحياتي

someone in life said...

صباح الخير يا مصر
بلدنا عندها ثروات كتير و موارد بشريه لكن مع سوء ادارة شديد ادارة تعمل لأرضاء افراد و ليس الشعب وفعلا لا انتفاع مما تقدمه الحكومة انا كل يوم بامر بمناطق عشوائيه فقيرة للغاية و لا انتفاع حتى للفقراء
اما الكبار الذين وصلوا لقمة هرم ماسلو حسب البوست بتاعك ما يعطوه لليلد فقط للدعاية و الاعلان

تحياتي

someone in life said...

شريف

اول مره تخرج عن تفاؤلك
اذن مطلوب تعيين اطباء اذن لعل الطرشان يسمعوا و يعوا

تحياتي

Anonymous said...

someone in life

انا لم اخرج عن تفاؤلى .. انا فى حالة بحث دائم عن قربة غير مخرومة .. احدها اننى قررت الهجرة فى يوم من الايام .. لاننى رايت عجزا كاملا فى اقامة مجتمعا كاملا خاص بى .. مضبوط فى الصحة والتعليم وتوفير الحياة الكريمة .. بالتالى كان الحل ان انتقل الى مجتمع بهذه المواصفات

الان .. مهم أن نبحث عن حلول أخرى لتحقيق الذات .. مع الأخذ فى الاعتبار ان مااحتاجه .. قد لايحتاجه غيرى

مضبوط؟

someone in life said...

شريف
كلنا نسعي وراء احتياجاتنا الاساسية
ريما نختلف في الاولويات

دمت بخير

shreen said...

صديقتى العزيزة
بوست فى الجون

انت اتكلمت عن اكثر من موضوع فى وقت واحد بصورة سهلة وبسيطة

عن تنظيم الاسرة
وعن وضوع اللفاتا الخاصة بالحملة فى مكان لا يحتاج اليها

ثم عن الضرائب

الشوارع المكسرة

زيادة مصاريف التعليم

المية اللى مش نظيفة

غلو البنزين

انا معاك فى اننا مش المفروض ندفع ضرايب

لمين اصلا بتروح الضرايب ؟
واحنا اية اللى بنستفيدة لما بندفعها ؟

صديقتى

كما انت رومانسية
انت مفكرة ايضا

كل حبى

Dr. Eyad Harfoush said...

عزيزتي
مين قال بس انهم عايزين يحققوا اي حاجة من الحملة دي؟ ده بيزنس و مظهر خاص بالمؤتمرات و المهرجانات و حبشتكانات المجتمع المدني اللي مابقاش فاضلنا ريحة من معالمه

على فكرة القلب و سنينه موجودة من مدة في شكل ديوان مجمع
http://heartyyears.blogspot.com/

تحياتي و تقديري

someone in life said...

شيرين

اهلا بيكي افتقدت نعليقك الحمدلله انك بخير يا ستي انا اكون ايه فيكي ؟
لكن الواحد بيصعب عليه حاله انه بيتقطع اموال من مصاريف اولاده من اجل ضرائب غير مستفاد بها يعني زمان كان فيه بيت مال بيصرف منه على الفقراء و كان الشيوخ بينصحوا اولي الامر ان يتقوا الله في اموال المسلمين لكن دلوقت لا الفقراء بياكلوا و لا متوسطي الدخل عارفين يعيشوا انا لي صديقه ماتت في مستشفي التأمين الصحي و هي موظفه و كانوا بياخدوا من مرتبها كل شهر ضرائب و تأمينات ماتت من الاهمال و الالم و عدم وجود الدواء يا تري الدوله هاتصرف على اولادها اليتامى ؟ الدوله صرفت ليهم 200 جنيه معاش يعيشوا بيهم ازاي ؟
بجد الواحد تعب ربنا يرحمنا

تحياتي

someone in life said...

Dr. Eyad

عندك حق دعاية و اعلان و بس من غير نتيجة و لا هدف مجرد فلوس صرفوها في شويه ورق هايروح للزباله بينما هناك أسر بتاكل من الزبالة.

لا انا قصدي ارجع اكتب في مدونه القلب وسنينه حاجات جديده بدل ما هي ديوان مجمع اعمل القلب و سنينه 2 و كمل فيه افكارك لو تفتكر كان فيه ناس كتير بتحب المدونه دي و بتعلق كتير و بتناقشك يا رب تلاقي وقت لها

تحياتي

Anonymous said...

عزيزتي
someone in life

اول تعليق ليا في مدونتك و لكني من متابعيك عند صديقتي بلاك كايروروز

بخصوص موضوع الضرايب للاسف الموظفين الغلابه هما اللي بيلتزموا في دفع الضرايب و ده مش كلامي ده اللي اتكتب في الجرايد انما التجار الكبار و لا بيلتزموا و لا اي حاجه بل بالعكس بيكونوا عايزين يتهربوا زي اللي كان بيعملوه احمد عز بيبيع الحديد بالسعر العالمي و هو واخد دعم الدوله طب ماتشيلوا الدعم من عليه طالما بيبيع بالسعر العالمي

بما اني من سكان مصر الجديده و بعدي كل يوم في طريق شغلي علي صلاح سالم ففعلا اليافطات دي بتكون مستفزه جدا بتحسسني كأننا موجودين في العراق ايام صدام حسين و صوره اللي كانت ماليه الشوارع بس علي الأقل صدام كان حقاني و كان معيش الناس في نغنغه دلوقتي ياتري اللي هما فيه احسن و لا ايام صدام؟

بخصوص التعليم كل بني ادم بيبقي نفسه يعلم ولاده في احسن مدرسه و خصوصا مع تردي مستوي التعليم و اللي بنسمع عنه اليومين دول من تسرب الامتحانات بقه عندي قناعه ان المدارس الهاي كلاس هي اللي بتقدري تطمني علي ولادك فيها انما الحكوميه انسي تضييع وقت علي الفاضي

معلش طولت عليكي بس الموضوع مهم
تحياتي ليكي عزيزتي

someone in life said...

اهلا اجندا
انا من متابعي مدونتك ايضا انت و هارت بيت من فترة طويله يمكن مش علقت غير مرتين قبل ما اعمل المدونه عموما اهلا بيكي و بأرائك

الحمد لله اني مش لوحدي اللي شايفه الوضع كده علشان لا اكون متجنية و باكل حق الغلابة في الضرائب . فعلا الكبار واخدين دعم الطاقة و التسهيلات الجمركية و بيبيعوا منتجاتهم لاسرائيل اللي قتلت اباءنا في الحرب و بتقتل اخواتنا في فلسطين و لبنان و مش بعيد يجي علينا يوم
الاستاذ عز غلبان عاوز يزود ثروته لكن انا المواطنه المطحونه لازم ادفع اكل الارانب علشان يعملوا ارانب لعز بيه و غيره
تحياتي

freedom said...

يبدو ان معاناة الشعوب العربية واحدة و تعرفة حكوماتنا واحدةو لا تختلف علينا الا المناظر
( شركة زين بتصرف)
ما تذكرينه بالتفصيل يحدث في الاردن كل يوم

someone in life said...

Freedom
اوجاعك هي اوجاعي مع اختلاف جواز السفر .. لنا الله

تحياتي