Thursday, December 31, 2009

بدون سكر



عام جديد من العمر ينتهي ليبدأ عام جديد اتمني أن يكون سعيد ا على و علي ابني و عليكم جميعا

مر العام بدون سكر لم يكن له طعم و يبعث علي البهجة بشدة و لكن يجب أن احمد الله علي كل شئ

الاهم ان ابني بخير و صحة الحمد لله و ان تعليمه مستمر للافضل و لعل هذا احلي انجاز في العام الحالي

كالمعتاد لم أفلح في ان اجد صديقا مخلصا او اختا جديدة الا واحدة في بلادها البعيدة و اظنها زهقت مني

لعدم وجود وقت كاف لبرامج الشات .. اليوم يجري سريعا و الارهاق يزداد يوم بعد يوم

لم تتحسن الصحة كثيرا و اطبحت اشعر بالضجر كاما اتهمني احد بالسمنة بالرغم من توازن الطول

مع الوزن لكن فيما يبدوا انها عادة البشر النقد لمجرد فتح الفم

تغاضيت عن حلم الحب و الزواج للابد لانه يبدو انه مثل العنقاء و الخل الوفي

وظيفة جديدة لسد الرمق دون تحقيق أي طموح بل و تراجع شديد في المستوي الوظيفي

مما اصاب قلبي و عقلي بنوع من الاحباط و عدم الرغبة في أي تطوير

حال مصر من سئ لأسوأ بعد معاقبة السادة جامعي القمامة للشعب بعدم جمعها اعتراضا علي ذبح

الخنازير و ترفع الشركة الاوروبية في جمع قمامة المصريين رغم الحصول علي قيمة الخدمة بالكامل

مازال مسلسل القهر الحكومي مستمرا و زاد بالضريبة العقارية مع عدم زيادة المرتبات يعني بكرة هانسكن

في الخيام لكن يارب ما يفرضوا ضريبة خيام أيضا

انفلونزا الخنازير .. الرعب كلما عطس احد ... وهم و رعب في نفس الوقت .. حتي اسمها مش حلو

و اخيرا يختم العام أيامه بصورة سيئه لبلادي بغلقها الباب اما ناشطي قافلة شريان الحياة و السماح بمائة فرد

بعد اجتماع السيد الرئيس بالحاكم الفعلي لنا السيد نتانياهو ... و الله حاجة تكسف

ياتري السنه الجايه كام واحد من الشباب المصري هايروح يبني الجدار العازل بينا و بين غزة ..

يعني حصار أكثر و سيطرة اسرائيلية اكثر و اكثر

رحمتك يا رب


Wednesday, December 9, 2009

شوال البطاطس

حد فيكم راح يشتري مرة اي حاجة من السوق ؟
قدامه أشكال و أنواع في شوال او في قفص
مد ايده و قلب شمال و يمين و دي رماها علي جنب و دي شكلها مش عاجبة و دي بوظها بايده
و في الاخر يمكن يشتري او مايشتريش حسب مزاجه و يمكن اللي يشتريه يطلع طعمه مر و ماسخ
بس هو عجبه شكل و بس
انا بقي تعبت أكون جوا شوال البطاطش دة ... شوال الدنيا
كل واحد و لاواحدة تبص في خلقتي و تلوي بوزها
اصلي مش عاجبة سعادته و لا سعادتها
تعبت أكون في سوق الجواري لمجرد طلب طبيعي جدا أقرة مجلس حقوق الانسان
ان يكون لي حد يسال عني أو ارتبط بانسان مناسب
اتحطيت جوا شوال البطاطس و كل واحد بينقي فيا شويه ... قصيرة لا مش عاجباني
شعرها مش عارف ايه مستواها عامل ايه لا عاوزها تخينه لا رفيعه
محجبه لا تشيل الحجاب
اهلا الله انت امورة طيب بتدخني ... لا
طيب بتشربي ... لا
انت معقدة و لا ايه؟
اهلا الله مخك متفتح بس عاوزك تطولي شويه و تسيبي ابنك يروح في داهيه
و لا اقولك ايه رايك نبقي اصحاب شويه الاول
كل واحد من الساده المتفرجين لو بص لنفسه في المرايه قبل ما ينزل او شاف اللي لابسه
و لا حتي مستواه الاجتماعي اللي قارفني بيه انه محصلش و ابن فلان و علان
و يمكن يكون بيتهم ناقصه صابون و شامبو و حتي كلونيا مش بارفيوم
او فاكر ان حساب سعادته في البنك هو ده الحلم
طيب ليه انا مش اعتبرتك جوا شوال انت كمان و ممكن استحمل عيوبك البشريه العادية؟
هما اولاد الناس الطيبين راحوا فين؟
و ليه الكل دلوقت بيوعد و مش بيوفي بكلامه بس شاطر يقول و يدعي ابن الناس اللي ماحصلش
انا زهقت من شوال البطاطس اللي محشورة فيه
و زهقت من المثل العليا و القيم و كل حاجه
زهقت من كل حاجه

Friday, December 4, 2009



يارب انا عملت ايه علشان اي حد يجرحني

مع اني في حالي قوي و بعيد عن كل الناس